Аԥсны Аҳәынҭқарра Адәныҟатәи аусқәа рминистрра аделегациа, Аԥсны Аҳәынҭқарра Адәныҟатәи аусқәа рминистр Даур Ақаҩба зхадараҿы дыҟоу аделегациа Ареспублика Арцах иҟоуп.

Аԥсны Аҳәынҭқарра Адәныҟатәи аусқәа рминистрра аделегациа, Аԥсны Аҳәынҭқарра Адәныҟатәи аусқәа рминистр Даур Ақаҩба зхадараҿы дыҟоу аделегациа Ареспублика Арцах иҟоуп. Авизит аҳәаақәа ирҭагӡаны имҩаԥысит Аԥсны Адәныҟатәи аусқәа рминистр Даур Ақаҩбеи Ареспублика Арцах Адәныҟатәи аусқәа рминистр Масис Маилиани реиԥылара.

Аԥсны Аҳәынҭқарра Адәныҟатәи аусқәа рминистрраҟны Аԥсны Аҳәынҭқарра Адәныҟатәи аусқәа рминистр Даур Ақаҩбеи Аԥсны иҟоу Урыстәылатәи Афедерациа ахәаахәҭратә Хаҭарнак Владимир Некрасови реиԥылара мҩаԥысит.

Адәныҟатәи аусқәа рминистрра адныҳәаларатә шәҟәы азынанашьҭит Аахыҵ Уаԥстәыла Адәныҟатәи аусқәа рминистрра, Аахыҵ Уаԥстәыла Аконституциа амш инадҳәаланы.

Қырҭтәыла Аԥыза-министр Георги Квирикашвили "Уаҵәтәи амш ахь ашьаҿа" захьӡу, Аԥсни Аахыҵ Уаԥстәылеи руааԥсыра ргуманитартәи рсоциал-економикатәи ҭагылазаашьа аиӷьтәра иазырханы иишьо аԥшьгамҭа ҟаиҵеит. Аԥшьгамҭа ахҳәаа азиуит Аԥсны Адәныҟатәи аусқәа рминистр Даур Ақаҩба.

Изаамҭанытәиу Женеватәи аиҿцәажәарақәа мҩаԥысит 2018 шықәса хәажәкыра 27-28 рзы. Аиҿцәажәарақәа ирылахәын Аԥсны Аҳәынҭқарра, Қырҭтәыла, Аахыҵ Уаԥстәыла , Урыстәыла, ЕАШ (США) рхаҭарнакцәа, ООН, ОБСЕ, ЕС рҟынтәи ацхантәаҩцәа.

Аԥсны Адәныҟатәи аусқәа рминистрра Урыстәылатәи Афедерациа Адәныҟатәи аусқәа рминистррахь адашшыларатә шәҟәы нанашьҭит

Даур Ақаҩба Аԥсны Аҳәынҭқарра аҳәынҭқаррахь архынҳәразы Аҳәынҭқарратә еилакы аԥҵара 25 шықәса ахыҵра инамаданы Ахантәаҩы Беслан Дбар идиныҳәалеит.

Аԥсны Адәныҟатәи аусқәа рминистр Даур Ақаҩба Урыстәылатәи Афедерациа Адәныҟатәи аусқәа рминистр Сергеи Лавров имшира идиныҳәалеит.

Алекциа «Аԥсуа бызшәа Аԥсны аҭоурыхи акультуреи рсаркьак аҳасабала» мҩаԥысит хәажәкыра 14, Берлин иҟоу адунеи абызшәақәа Рмузеи аҟны. Алекциа даԥхьеит ФРГ иҟоу Аԥсны Адәныҟатәи аусқәа рминистрра ахаҭарнак Хьыбла Амҷԥҳа.

Аԥсны Адәныҟатәи аусқәа рминистр Даур Ақаҩба адныҳәаларатә шәҟәы изааишьҭит Урыстәыла Адәныҟатәи аусқәа рминистр Сергеи Лавров.

Аԥсны Адәныҟатәи аусқәа рминистрра адашшыларатә шәҟәы нанашьҭит Урыстәыла Адәныҟатәи аусқәа рминистррахь, урыстәылатәи атранспорттә ҳаирплан АН-26 аҭахара инадҳәаланы. Аҳаирплан иҭаз 33-ҩык апассаџьырцәеи 6-ҩык аҳаирплан аекипажи ҭахеит.

Хәажәкыра 1 2018 шықәса рзы Москва имҩаԥысит Аԥсни Урыстәылеи Адәныҟатәи аусқәа рминистррақәа рхаҭарнакцәа: Урыстәылатәи Афедерациа Адәныҟатәи аусқәа рминистр ихаҭыԥуаҩ, астатс-маӡаныҟәгаҩ Григори Карасини Урыстәылатәи Афедерациаҟны иҟоу Аԥсны Ацҳаражәҳәаҩ Игор Ахбеи реиԥылара.

Жәабран 27 азы Аԥсны Адәныҟатәи аусқәа рминистрраҿы имҩаԥысит аминистрДаур Ақаҩбеи Еидҵоу амилаҭқәа реилазаара арегионалтә ҳәаақәҵаҩ Нильс Скотти, Аԥсны иҟоу ПРООН апрограмматә офис ахада Нильс Скотти реиԥылара.

Аԥсны Адәныҟатәи аусқәа рминистрра адышшыларатә шәҟәы ашьҭит Аԥсылмантә республика Иран Адәныҟатәи аусқәа рминистррахь апровинциа Исфахан аҟны иҟалаз арыцҳара инадҳәаланы.

Аԥсны Аҳәынҭқарра Адәныҟатәи аусқәа рминистрра гәалсра дула ирыдыркылеит аҳаирплан АН-148 акаҳара, 71-ҩык ауааԥсыра рҭахара. Дарбанызаалак Аԥсны атәылауаҩ игәаҵанӡа инаргӡаны идикылеит абри агәаҟра.

Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр сергеи Лавров адныҳәаларатә шәҟәы азишьҭит.

2013 шықәса цәыббра 9 рзы зыԥсҭазаара иалхыз Аԥсны иҟоу Урыстәыла Ацҳаражәҳәарҭа актәи амаӡаныҟәгаҩ, авице-консул Дмитри Вишерневи иара иԥшәмаԥҳәыс Ольга Вишерневи рмемориалтә ӷәы кыдҵоуп Аԥсны иҟоу Урыстәыла Ацҳаражәҳәарҭаҟны 2018 шықәса, жәабран 8 рзы.

Аԥсны Адәныҟатәи аусқәа рминистрраҟны Адәныҟатәи аусқәа рминистр ихаҭыԥуаҩ Кан Ҭаниеи Аахыҵ Кавказ аҟны ООН аҿиара апрограмма (UNDP) анапхгаҩы ихаҭыԥуаҩ Шомби Шарпи реиԥылара мҩаԥысит.

Аԥснытәи аделегациа алахәуп Науру ахьыԥшымра 50-шықәса ахыҵра иазкны имҩаԥысуаз аныҳәатә уснагӡатәқәа.Ажьырныҳәа 31 рзы, Аделегациа Науру рыҟазаараан Аԥсны Жәлар Реизареи Науру Апарламенти рыбжьара апарламентбжьаратә еиқәышаҳаҭра анапы аҵаҩын.