Жәабран 28, 2022 шықәсазы имҩаԥысит Ареспублика Никарагуа иҟоу Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩ Инар Ладариеи Ареспублика Никарагуа Адәныҟатәи аусқәа рминистр ихаҭыԥуаҩ Арлет Маренко реиԥылара.
Аиԥылара иалахәын Ареспублика Никарагуа иҟоу Аԥсны Аҳәынҭқарра Ацҳаражәҳәарҭа актәи амаӡаныҟәгаҩ Валери Логәуа, Ареспублика Никарагуа ААР Европатәи адепартамент адиректор Сисилиа Аргуельо.
Аганқәа жәларбжьаратәи азҵаарақәа рзы ргәаанагарақәа еимырдеит, ирылацәажәеит ԥхьаҟатәи реизыҟазаашьақәа.
Инар Ладариа Ареспублика Никарагуа Адәныҟатәи аусқәа рминистр ихаҭыԥуаҩ Арлет Маренко дылԥылеит
1 March 2022 323