Ҭырқәтәыла иҟоу аԥсуа культуратә хеидкылақәа Рфедерациа ахантәаҩ ҿыц далырхит

Ҭырқәтәыла  иҟоу  аԥсуа культуратә хеидкылақәа Рфедерациа ахантәаҩ ҿыц далырхит
15 November 2021 486

Ҭырқәтәыла иҟоу аԥсуа культуратә хеидкылақәа Рфедерациа VII аизара ду мҩаԥысит абҵара 14 рзы Измиҭ ақалақь аҿы. Аизара ду иалахәын Аԥсны Апарламент аиҳабы Валери Кәарҷиа зхадараҿы дыҟаз аԥсуа делегациа. Аделигациа иалахәын: Аԥсадгьыл ахь ахынҳәразы аилак ахантәаҩы Вадим Ҳаразиа, Аԥсны ААР аусзуҩ Инвер Алшәындба, Аԥсны ААР анапынҵа ҷыдақәа рзы ацҳаражәҳәаҩцәа Инар Гыцбеи Алиас Асабуеи.

Ҭырқәтәыла иҟоу аԥсуа культуратә хеидкылақәа Рфедерациа ахантәаҩразы ркандидатура ықәыргылан Мураҭ Махариеи Орал Бганбеи. Ҭырқәтәыла иҟоу аԥсуа культуратә хеидкылақәа Рфедерациа ахантәаҩ ҿыцс далырхит Мураҭ Махариа.

Аизара ду аҿы иаԥхьан Аԥсны Адәныҟатәи аусқәа рминистр даур Ақаҩба ишәҟәы.

Ашәҟәаҿы иазгәаҭан:

«Ҭырқәтәыла инхо ҳадиаспора руаажәларратә еиҿкаарак аҳасаб ала Аԥсуа культуратә центрқәа Рфедерациа аҭакԥхықәра ду иаҵагылоуп.

Ҭырқәтәылатәи ҳдиаспора ахаангьы шәҭоурых ԥсадгьыл ахь абзиабара ду аашәырԥшуан, абри аганахь ала шәҿырԥшыган. Абиԥарала еимыжәдон шәабацәеи урҭ рабацәеи рбызшәеи, ркультуреи, рқьабзи реиԥш апатриотизмра ду, Аԥсны алахьынҵа ацымҩасра азгәышьра.

Агәра ганы сыҟоуп Аԥсуа культуратә центрқәа Рфедерациа ԥхьаҟагьы аусураҿы ажәлар рдоуҳатә мазара ҵаҵӷәны ишаиуа, аԥсуа жәлар ринтересқәа Ҭырқәтәылеиԥш анҭыҵгьы аблаҷыц аиԥш ишахьчало.

Агәра хасҵоит иахьа иалышәхуа Анапхгаратә хеилаки Афедерациа ахантәаҩи рыжәҩа иқәло аҭакԥхықәра ду хьыӡла-ԥшала ишаҵагыло» ҳәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: