Атәылақәа жәпак рҟны акоронавирустә инфекциа (COVID-19) зыхьыз рхыԥхьаӡара ахьырацәахаз инадҳәаланы Аԥсны Адәныҟатәи аусқәа рминистрра ареспублика ауааԥсыра рахь ааԥхьара ҟанаҵоит ари ачымазара ахьазгәаҭо атәылақәа рҭаара ԥыркырц.

Аԥсны Адәныҟатәи аусқәа рминистрра иара убасгьы аҳәынҭқарратә мчра аусбарҭақәеи ауаажәларратә еиҿкаарақәеи рхаҭарнакцәа рахь абжьагара ҟанаҵоит авирус COVID-19 аҭыԥ ахьамоу атәылақәа рахь аусутә ныҟәарақәа рымҩаԥгара рҽацәхьаркырц.