Венесуелатәи агазеҭ аҿы «Аԥсны – аспорт атәыла» ҳәа астатиа ануп

Венесуелатәи агазеҭ аҿы  «Аԥсны – аспорт атәыла» ҳәа астатиа ануп
13 November 2018 849
2018 шықәса, абҵара 12 рзы Боливариантәи Ареспублика Венесуела агазеҭ  EL LIDER аҿы иркьыԥхьит астатиа «Аԥсны –аспорт атәыла»

Астатиа изкуп Боливариантәи ареспублика Венесуела иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа. Иара даныхәыҷыз инаркны абокс абзиабара иман, иԥсҭазаарагьы адҳәалан. 50 шықәса инарзынаԥшуа бзиа иибоз аус даҿын,  «AIBA» аӡбаҩ инаиркны Кубеи Венесуелеи езгоу ркомандақәа разыҟаҵаҩ иҟынӡа.

Астатиаҿы ирылацәажәоуп Заур Ӷәаџьаа авторс дызмоу ашәҟәқәа ҩба:

«БОКС», «БОКС-2». Заур Ӷәаџьаа ишәҟәқәа рҿы далацәажәоит иԥсҭазааратә ԥышәа, ипрофессионалтә дырра.
Ашәҟәқәа Боливариантәи ареспублика Венесуела Амилаҭтә библиотекаҿ, аспорт азы Аминистрра абиблиотекаҿ,
Боливариантәи ареспублика Венесуела абокс Афедерациеи Аолимпиатә еилаки рҿы иара убасгьы Ареспублика Никарагуа аҵареи акультуреи рминистрраҿы рыԥшаара алшоит.

Венесуелатәи абокс азы Афедерациа Заур Ӷәаџьаа ихьӡала  аҳаҭыртә шәҟәы нанашьҭит ашәҟәқәа рыҩраҟны иџьабаазы. Ашәҟәы рнапы аҵаҩын аӡбаҩцәа, арбитрцәа, аспортсменцәа, Венесуела зегь аҟынтәи 20 инарзынаԥшуа спорттә институт рҟынтәи.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: