2022 шықәса ԥхынгәы 20 рзы Ареспублика Венесуела иҟоу Аԥсны Аҳәынҭқарра азинмчнагӡа змоу ацҳаражәҳәаҩ Заур Ӷәаџьаа Ареспублика Венесуела Адәныҟатәи аусқәа рминистрра анаԥхьарала Ареспублика Венесуела ахада Николос Мадуро зхадараҿы дыҟаз аилатәара "Аекономикатә зона ҷыдақәа рзы Азакәан амчра аиура" далахәын.

Венесуела аккредитациа змоу адипломатиатә корпуси аиҳабыра рхаҭарнакцәеи рԥылараан ахада Николас Мадуро "Аекономикатә зона ҷыдақәа рзы Азакәан амчра аиура" шьақәирӷәӷәеит амилаҭтә економика аҭышәныртәалара аиҿкаара хықәкны иҟаҵаны.

Аилатәара мҩаԥысуан Каракас, Ааглыхратә инвистициақәа Жәларбжьаратәи рцентр аҿы.