Женева имҩаԥысит Женеватәи аиҿцәажәарақәа 42-тәи рраунд

Женева имҩаԥысит Женеватәи аиҿцәажәарақәа 42-тәи рраунд
13 December 2017 983
Аԥсны Адәныҟатәи аусқәа рминистр Даур Ақаҩба зхадараҟны дыҟаз аделегациа алахәын Женеватәи аиҿцәажәарақәа 42-тәи рраунд. Аиҿцәажәарақәа мҩаԥысит ԥхынҷкәын 13 рзы, Женева. Аԥснытәи аган ахьӡала аиҿцәажәарақәа ирылахәын Аԥсны Адәныҟатәи аусқәа рминистр ицхырааҩ Иракли Ҭыжәба, Аԥсны Адәныҟатәи аусқәа рминистрра жәларбжьаратәи аиҿкаарақәа рнырразы Адепартамент аиҳабы Артур Гагәылиа, Аԥсны Адәныҟатәи аусқәа рминистрра Аконсултә департамент аиҳабы ихаҭыԥуаҩ Лаша Аҩӡба.

Аиҿцәажәарақәа реихшьаалақәа рыла Аганқәа еицырзыманшәалаз ацәажәарақәа шымҩаԥыргазгьы еиқәышаҳаҭны ирызрыдымкылеит амч ахамырхәаразы аҳәамҭа атекст аҵыхәтәантәи авариант. Убри инадҳәаланы иӡбан атекст аус адулара уажәшьҭантәи араунд ахь ииагазарц.

Аҩбатәи аусутә гәыԥ аусура аҳәаақәа ирҭагӡаны имҩаԥысуан агуманитартә ҟазшьа змаз азҵаарақәа.

Женеватәи аиҿцәажәарақәа уажәшьҭантәи рраунд мҩаԥысраны иҟоуп хәажәкырамза 27- 28 2017 шықәса рзы.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: