Ажәабжь ҿыцқәа

Боливариантәи Ареспублика Венесуела иҟоу азинмчнагӡеи анапынҵа ҷыдақәеи змоу Аԥсны Аҳәынҭқарра ацҳаражәҳәаҩ Заур Ӷәаџьаа амилаҭ-хақәиҭратә револиуциа аԥхьагыла Аугусто Сандино Кальдерон игәалашәара иазкыз аусмҩаԥгатәқәа дрылахәын. Ацеремониа мҩаԥысуан Аугусто Сандино ихьӡ зху ашҭаҿы, Каракас.
Украина алада-мрагыларатәи ахәҭаҿы имҩаԥысуа ахҭысқәа ирышьклаԥшуеит.
20 February 2022 126 Анотақәа
Аԥсны Адәныҟатәи аусқәа рминистрра Ареспублика Арцах Ажәныҟатәи аусқәа рминистррахь адныҳәаларатә шәҟәы нанашьҭит аиҭаҿиара Амш инамаданы.
Ҭырқәтәыла иҟоу Аԥсуа культуратә центрқәа Рфедерациа ахантәаҩы Мураҭ Махариа Афедерациа ахьӡала аҳәамҭа ҟаиҵеит Аԥсны ООН аҳәынҭқарра-наԥшҩы астатус аҭаразы Инал Арӡынба иажәалагала адгылара шарҭо азы.
Жәабран 16 азы Манагуа имҩаԥысит Ареспублика Никарагуа ахь инашьҭу азинмч нагӡеи анапынҵа ҷыдақәеи змоу Аԥсны Аҳәынҭқарра ацҳаражәҳәаҩ Инар Ладариа Никарагуа Адәныҟатәи аусқәа рминистр Денис Монкада Агәраргагатә шәҟәқәа анииҭоз ацеремониа.
Аԥсны Адәныҟатәи аусқәа рминистр Инал Арӡынбеи Урыстәыла ААР аинформациеи акьыԥхьи  рдепартамент адиректор,  Урыстәыла ААР аофициалтә хаҭарнак Мариа Захаровеи аиԥылара мҩаԥыргеит Москва.
16 February 2022 167
Аԥсны адәныҟатәи аусқәа рминистр Инал Арӡынба Москва ателеканал "Russia Today", МИА "Россия сегодня", аинформациатә маҵзура "Sputnik" редактор хада Маргарита Симониан лԥылараан Аԥсны ААР амедиацентр аусура амеханизм иалацәажәеит.
14 February 2022 141
Ацентр ацхыраара рнаҭалоит еиҳа аҟыбаҩ ҷыда злоу Аԥснытәи аҿар, Урыстәыла иреиӷьу аҵаратә усҳәарҭақәа рҿы аҵараҵарази астажировка рахысрази. Ацентр амеханизм аамҭакала аус ацнаулоит Россотрудничество.
11 February 2022 141
Аԥсны Адәныҟатәи аусқәа рминистр Инал Арӡынбеи ЕАР Адунеизегьтәи афедерациа ахада ихаҭыԥуаҩ, ЕАР ацхраараз Урыстәылатәи ассоциациа ахантәаҩы актәи ихаҭыԥуаҩ Алексеи Борисови реиԥылараан Инал Арӡынба ЕАР Амаӡаныҟәгаҩ хада Антониу Гутерриш ихьӡала ашәҟәы ишьҭит. Арӡынба Аԥсны Аҳәынҭқарра ЕАР аҿы аҳәынҭқарра-наԥшҩы астатус аиҭарц ааԥхьара ҟаиҵоит, уи ЕАР Ассамблеиа хадаҿы имҩаԥысуа аимак-аиҿак алахәхара алнаршоит ҳәа азгәаҭаны.
11 February 2022 161
Жәабран 10 азы имҩаԥысит Приднистровиатәи Молдавиатәи Ареспублика аҟны иҟоу Аԥсны ахаҭарнак Александр Ватамани Приднистровиатәи Молдавиатәи Ареспублика аҟны иҟоу Аахыҵ Уаԥстәыла ахаҭарнак Витали Ианковскии Приднистровиатәи Молдавиатәи Ареспублика Иреиҳаӡоу ахеилак ахантәаҩы Александр Коршуновы реиԥылара. 

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: