2019 шықәса жьҭаара 8-9 рзы Женева имҩаԥысит Аахыҵ Кавказ ашәарҭадареи аҭынчреи рзы Женеватәи аиҿцәажәарақәа 49-тәи рраунд

2019 шықәса жьҭаара  8-9 рзы Женева имҩаԥысит Аахыҵ Кавказ ашәарҭадареи аҭынчреи рзы Женеватәи аиҿцәажәарақәа 49-тәи рраунд
9 October 2019 108

2019 шықәса жьҭаара  8-9 рзы Женева имҩаԥысит Аахыҵ Кавказ ашәарҭадареи аҭынчреи рзы Женеватәи аиҿцәажәарақәа 49-тәи рраунд.

Аԥснытәи аделегациа, зеилазаараҿы Аԥсны адәныҟатәи аусқәа рминистр ихаҭыԥуаҩ Иракли Ҭыжәба, Аԥсны Ашәарҭадаратә маҵзура ахантәаҩ ихаҭыԥуаҩ    Владимир Арлан, Аԥсны Адәныҟатәи аусқәа рминистрра аусзуҩцәа  Лаша Аҩӡба,  Артур Гагулиа ыҟаз, напхгара аиҭон Аԥсны Адәныҟатәи аусқәа рминистр Даур Ақаҩба.

Аиԥылара алахәылацәа иазгәарҭеит Аахыҵ Уаԥстәылеи Қырҭтәылеи рыбжьара аҭыԥ зманы иҟоу аибарххара аҭыԥ ақәҵара шхымԥадатәиу.  Аԥсны, Аахыҵ Уаԥстәыла, Урыстәыла аҳәааҿ аҭыԥ змоу аҭагылазаашьа аҵарра зхарарҵаз ақырҭуа ган ауп.

49-тәи Женеватәи аиҿцәажәарақәа рраунд аҟны традициала иҷыдоу азхьаԥшра аҭан амч ахамырхәаразы аҳәамҭа аицыҟаҵара азҵаара. Женеватәи аиҿцәажәарақәа ирхықәкы хаданы иҟоу абри аҩыза аҳәамҭа шьаҿа бзианы иҟалон Аԥсни Қырҭтәылеи Аԥсни Аахыҵ Уаԥстәылеи рыбжьара амч ахамырхәаразы аиқәшаҳаҭра анапаҵаҩраз.

Аиҿцәажәарақәа раан ирылацәажәан еиуеиԥшымыз, Аԥсны Аҳәынҭқарраз аҵакы зманы иҟаз азҵаарақәа, иазгәаҭан Аԥсны Аҳәынҭқарраҿы иҟоу аҭагылазаашьа еицакны, Қырҭтәыла ишагәаԥхо еиԥш адунеи аларҵәара шиашам.

Иара убасгьы аиҿцәажәарақәа раан Аԥсни, Аахыҵ Уаԥстәылеи, Урыстәылатәи Афедерациеи иазгәарҭеит Қырҭтәылеи НАТОи реизааигәахара агәҭынчымра шырнаҭо.

Женеватәи аиҿцәажәарақәа рлахәылаҩцәа актәи аусутә гәыԥ аҟны еицҿакрыла ирыдыркылахьаз амч ахамырхәаразы апроект иалҵшәаны иеицрыдыркылараны иҟаз аҳәамҭа аҽазныкгьы еиԥҟьеит ақырҭуа ган иаанарԥшыз иконструктивым апозициазы.

Изаамҭанытәиу Аахыҵ Кавказ ашәарҭадареи аҭынчреи рзы Женеватәи аиҿцәажәарақәа 50-тәи рраунд амҩаԥгара азыԥхьагәаҭоуп ԥхынҷкәын 10-11, 2019 шықәса рзы.






Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: