Адәныҟатәи аусқәа рминистрра адныҳәаларатә нота нанашьҭит Ареспублика Науру Адәныҟатәи аусқәа рминистррахь адипломатиатә еизыҟазаашьақәа аашықәса рхыҵра инамаданы
Анотаҟны иаҳәоит:
«2009 шықәса ԥхынҷкәын 15 арыцхә Аԥсны Аҳәынҭқарра аҭоурых аҟны акрызҵазкуа акакәны иҟоуп. Ҳтәылақәа рыбжьара адипломатиатә еизыҟазаашьақәа шьақәгылеижьҭеи аа-шықәса ҵуеит. Рацәак идуум аамҭа иалагӡаны ҳтәылақәа рыбжьара аиҩызара ӷәӷәеи, аҳаҭыреиқәҵареи агәреибагареи шьақәгылеит. Адипломатиатә еизыҟазаашьақәа анҳабжьаҳҵа инаркны аполитикатәи, акультуратәи егьырҭ аусхкқәеи рҟны аинырра ҳамоуп. Аԥсны ари адиалог ԥхьаҟагьы арҿиара хықәкны иамоуп.
Агәра аагоит Аԥсны Аҳәынҭқарреи Ареспублика Науруи рыбжьара аиҩызареи аусеицуреи рзы Аиқәшаҳаҭра иаҭахны иҟоу апатенциал шамоу, ишацхраауа ԥхьаҟагьы ҩ- ганктәи ҳусеицуреи ҳтәылақәеи ҳажәлари рыбжьара аинырра аизырҳареи.
Ҳаизыҟазаашьақәа рҟны иналукааша акакәны иҟалеит сынтәа, абҵарамзазы Науру апрезидент Барон Дивавеси Вака зхадараҿы дыҟаз аделегациа Аԥсны Аҳәынҭқарра раҭаара. Урҭ ара рыҟазаара ԥхьаҟа аҿиара анаҭеит ҳастратегиатә усеицура, ҳаизыҟазаашьақәа».
Анотаҟны иаҳәоит:
«2009 шықәса ԥхынҷкәын 15 арыцхә Аԥсны Аҳәынҭқарра аҭоурых аҟны акрызҵазкуа акакәны иҟоуп. Ҳтәылақәа рыбжьара адипломатиатә еизыҟазаашьақәа шьақәгылеижьҭеи аа-шықәса ҵуеит. Рацәак идуум аамҭа иалагӡаны ҳтәылақәа рыбжьара аиҩызара ӷәӷәеи, аҳаҭыреиқәҵареи агәреибагареи шьақәгылеит. Адипломатиатә еизыҟазаашьақәа анҳабжьаҳҵа инаркны аполитикатәи, акультуратәи егьырҭ аусхкқәеи рҟны аинырра ҳамоуп. Аԥсны ари адиалог ԥхьаҟагьы арҿиара хықәкны иамоуп.
Агәра аагоит Аԥсны Аҳәынҭқарреи Ареспублика Науруи рыбжьара аиҩызареи аусеицуреи рзы Аиқәшаҳаҭра иаҭахны иҟоу апатенциал шамоу, ишацхраауа ԥхьаҟагьы ҩ- ганктәи ҳусеицуреи ҳтәылақәеи ҳажәлари рыбжьара аинырра аизырҳареи.
Ҳаизыҟазаашьақәа рҟны иналукааша акакәны иҟалеит сынтәа, абҵарамзазы Науру апрезидент Барон Дивавеси Вака зхадараҿы дыҟаз аделегациа Аԥсны Аҳәынҭқарра раҭаара. Урҭ ара рыҟазаара ԥхьаҟа аҿиара анаҭеит ҳастратегиатә усеицура, ҳаизыҟазаашьақәа».