Аԥсны адәныҟатәи аусқәа рминистр Даур Ақаҩба Ареспублика Арцах адәныҟатәи аусқәа рминистр Масис Маилиан идиныҳәалеит аминистрра ашьаҭаркра 27-шықәса ахыҵра амшныҳәа.
Адныҳәалараҿы иҳәоуп:
«Ареспублика Арцах адәныҟаполитикатә усбарҭа ашьаҭаркреи аусуреи мҩаԥысуан аҭагылазаашьа уадаҩқәа ирыхьмырԥшыкәа. Арцах адипломатцәа аԥхьатәи амшқәа инадыркны жәларбжьаратәи аренаҿы рыжәлар ринтересқәа рыхьчон. Арцахтәи адипломатиа алагала дууп арегион аҿы ашәарҭадара аиҿкаареи ашьақәыргылареи рҟны.
Арҭ ашықәсқәа рыҩныҵҟа Аԥсны Аҳәынҭқарра адәныҟатәи аусқәа рминистрреи Ареспублика Арцах адәныҟатәи аусқәа рминистрреи реиҩызааратә еизыҟазаашьа, реинырра шьақәгыланы иҟоуп, ԥхьаҟагьы аԥеиԥш лаша шамоу агәрагара згоит.абри аус аҿы, шәара Масис Самвел-иԥа шәлагала ахәшьара уадаҩуп.
Ҳаҭыр зқәу Масис Самвел-иԥа азин сышәҭ овишәареи Арцах адипломатцәеи шәусураҿы ақәҿиарақәа шәзеиӷьасшьарц».