Аԥсны адәныҟатәи аусқәа рминистр Даур Ақаҩба Урыстәыла адәныҟатәи аусқәа рминистр Сергеи Лавров идиныҳәалеит Аџьынџьтәылатә еибашьра ду аҟны Аиааира 75-шықәса ахыҵра амш.
Адныҳәаларатә шәҟәы аҿы иҳәоуп:
«Лаҵара 9 – ари амзар аҿы еснагь аҭыԥ ҷыда аанызкыло ныҳәамш рыцхәуп. Афашизм иаҿагыланы, рыжәҩа еибыҭаны еибашьуан Асовет еидгыла ареспубликақәа зегьы рхаҭарнакцәа. Иҟам ҭаацәарак абри арыцҳара зхьымсыз. Ҳабдуцәеи ҳабацәеи еибашьуан рыхшара уаҵәтәи рымш насыԥ амазаарц азы. Аиааиреи ахақәиҭреи рыхә ҳаракӡаны ишьоуп, иахҭынҵоуп миллионла аԥсҭазаарақәа.
Аиааира амш ҳара ныҳәан ишаабо еиԥш игәалашәаратә мшынгьы ҳазыҟоуп.
Иахьатәи амш азы иҳалагыло аветеранцәа ҳрыдныҳәалоит, иҭабуп ҳәа раҳҳәоит рфырхаҵаразы, ирзеиӷьаҳшьоит агәабзиара.
Абри амш лашазы, ҳаҭыр зқәу Сергеи Виктор-иԥа, азин сышәҭ Урыстәыла иқәынхо зегьы аманшәалареи ақәҿиарақәеи рзеиӷьасшьарц» ҳәа.