Урыстәыла Амш инамаданы Аԥсны Аҳәынҭқарра Адәныҟатәи аусқәа рминистр Даур Ақаҩба Урыстәылатәи Афедерациа Адәныҟатәи аусқәа рминистр Сергеи Лавров дидныҳәалеит.
Адныҳәалараҿы иаҳәоит:
«1990 шықәса рашәара 12 рзы иалхын исуверентәу аҳәынҭқарра аргылараз амҩа. Ари аныҳәа ҭәуп доуҳатә ҵакыла, еиднакылоит милаҭ рацәала еилоу Урыстәыла ажәлар. Урыстәылатәи Афедерациа – адемократиеи, ахақәиҭреи егьырҭ хәызмоу аҭагылазаашьақәеи ҵаҵӷәны иззыҟоу иахьа жәларбжьаратә аренаҿы иналукааша ҳәынҭқарроуп.
Аԥсни Урыстәылеи реизыҟазаашьақәа ракәзар аиҩызареи аилибакаареи шьаҭас иҟаҵаны иҿиоит аконструктивтә усеицура аҟазшьақәа рыла. Аԥсны Аҳәынҭқарреи Урыстәылатәи Афедерациеи реизыҟазаашьа аҩаӡара атәылақәа рыҩбагь рышьагәыҭ жәларқәа ринтересқәа ишрықәшәо агәра ганы сыҟоуп».