Приднестровиа Молдавиатәи Ареспублика ашьаҭаркра 30 шықәса ахыҵра Амшныҳәа инадҳәаланы Аԥсны Аҳәынҭқарра Адәныҟатәи аусқәа рминистр Даур Ақаҩба Приднестровиа Молдавиатәи Ареспублика Адәныҟатәи Аусқәа рминистр Витали Игнатьев адныҳәаларатә шәҟәы изынаишьҭит.
Адныҳәалараҟны иарбоуп:
«1990 шықәса цәыббра 2 - ари аҭоурыхтә рыцхә Приднестровие ажәлар рзы акрызҵазкуа мшны иҟоуп. Ииасыз ашықәсқәа рзы Приднестровие акыр аизҳа-зыӷьара аиуит.
Иарбанызаалак аҳәынҭқарразы ари арыцхә ажәлар аҭынчреи ахалахатәҳәаақәҵареи рзы ирымоу аҽазышәарақәа аазырԥшуа акәны иҟоуп. Иахьа, Приднестровие иқәынхо ажәларқәа зегьы рхы иақәиҭны, ихьыԥшымкәа анхара ирҭаху аԥсҭазаараҿ анагӡара аиуны иҟоуп.
Аԥсны Аҳәынҭқарреи Приднестровиа Молдавиатәи ареспубликеи 1993 шықәса раахыс анапы зҵаҩыз аиҩызареи аусеицуреи рзы аиҳабырабжьаратә еиқәшаҳаҭра шьаҭас иҟаҵаны реизыҟазаашьақәа мҩаԥыргоит.
Иахьа агәрагара ҳамоуп ҳтәылақәа рыҩбагьы ԥхьаҟагьы аиҩызаратә усеицура аиҵыхразы русура ишацырҵо. Наҟ-ааҟгьы ҳажәларқәа реинырра ҳаинтересқәа ирықәшәо ишыҟоу хымԥадоуп».