Аԥсадгьыл ахьчаҩ имш азы Аԥсны Адәныҟатәи аусқәа рминистрра Приднестровиатәи Молдавиатәи ареспублика Адәныҟатәи аусқәа рминистррахь адныҳәалара ҟанаҵеит

Адныҳәалараҿы иаҳәоит:

«Ари аныҳәа апатриотизмреи афырхаҵареиирымшныҳәоуп. Аруаҩыс аҟазаара иаанаго  аԥсадгьыл ахьчареи ажәлар рымаҵ аура азыхиареи роуп.
Абиԥарақәа еимырдалоит аиааирақәа рыхьӡ-рыԥша. Приднестровиатәи Молдавиатәи ареспублика арратә мчрақәа агәымшәареи ахаҵареи ирҿырԥшыгоуп. Дара ҿырԥшыганы ирзыҟоуп еиҵагыло аҿар.
Аԥсны Адәныҟатәи аусқәа рминистрра  аусзуҩцәа ишәзеиӷьаршьоит агәабзиара зҩыда, аманшәалара, аҭынч жәҩан».