Аԥсны адәныҟатәи аусқәа рминистр Даур Ақаҩба ихьӡала Урыстәыла адәныҟатәи аусқәа рминистр Сергеи Лавров адныҳәаларатә шәҟәы ааишьҭит.

Ашәҟәаҿы хаҭала иҳәоуп:

«Абри амш аҽны ҳара иаҳгәалаҳаршәоит аиҳабыратә абиԥара, афашист мпыҵахалаҩцәа гәышԥыла ирҿагыланы адунеи аҿы аҭынчреи ахақәиҭреи рыхьчара зылшаз.

Агәра згоит аибашьра аамҭа иаӡрыжәыз аиҩызареи аицхыраареи рытрадициа ԥхьаҟагьы урыстәыла-аԥснытәи аизыҟазаашьақәа рзы ихәарҭахап ҳәа.»