Жьҭаара 6 азы иҵит шықәсык Аԥсны Аҳәынҭқарра Ацҳаражәҳәарҭа Шьамтәылатәи Арабтә республикаҿы иаадыртижьҭеи

Жьҭаара 6 азы иҵит шықәсык Аԥсны Аҳәынҭқарра Ацҳаражәҳәарҭа Шьамтәылатәи Арабтә республикаҿы иаадыртижьҭеи
6 October 2021 146

Аԥсны Адәныҟатәи аусқәа рминистр Даур Ақаҩба адныҳәаларатә шәҟәы ишьҭит Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәарҭа ацҳаражәҳәаҩ Баграт Хәытаба ихьӡала абри амшныҳәа иазкны.

Адныҳәалараҿы иазгәаҭоуп:

«Аԥсны Аҳәынҭқарра Адәныҟатәи аусқәа рминистрра ахьӡалеи хаҭала сара сыхьӡалеи Шәареи Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәарҭа аколлективи ишәыдысныҳәалоит Аԥсны Аҳәынҭқарра Ацҳаражәҳәарҭа Шьамтәылатәи Арабтә республикаҿы иаадыртижьҭеи шықәсык аҵра.

Аԥсны Аҳәынҭқарра аҵак ду анаҭоит Аԥсни Шьамтәылеи ҩ-ганктәи реизыҟазаашьа аҿиара. Ацҳаражәҳәарҭа аартра акрызҵазкуа шьаҿахеит аиҩызаратә еизыҟазаашьақәа рҿы, аусеицураҿы.

Дамаск иҟоу Аԥсны Аҳәынҭқарра Ацҳаражәҳәарҭа апрофессионализм ҳарак аарԥшуа, жәеиқәшәала аҿаԥхьа игылоу аусдҵақәа зегь нагӡо Аԥсни Шьамтәылеи реиҩызара арӷәӷәоит.

Ҳаҭыр зқәу ацҳаражәҳәаҩ,

Ҳара ахә ҳаракны иаҳшьоит шәлагала ҷыда, ахәшьара бзиа аҳҭоит Ацҳаражәҳәарҭа аилазаара шәусура» ҳәа.

Аныҳәатә рыцхә аҳаҭыр азы Аԥсны Аҳәынҭқарра Адәныҟатәи аусқәа рминистрра аҳаҭыртә шәҟәқәа ранашьоуп аполитикатә зҵаарақәа рзы абжьгаҩ Али Мухаммад Џьалал-иԥеи адиаспора аус рыцуразы абжьгаҩ Агрба Жанбу Езеддин-иԥеи.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: