Даур Ақаҩба адныҳәаларатә шәҟәы изынаишьҭит Дмитри Медоев, Аахыҵ Уаԥстәыла Аконституциа амш инадҳәаланы

Даур Ақаҩба адныҳәаларатә шәҟәы изынаишьҭит Дмитри Медоев, Аахыҵ Уаԥстәыла Аконституциа амш инадҳәаланы
8 April 2020 200

Адәныҟатәи аусқәа рминистр Даур Ақаҩба адныҳәаларатә шәҟәы изынаишьҭит Аахыҵ Уаԥстәыла Адәныҟатәи аусқәа рминистр Дмитри Медоев, Аахыҵ Уаԥстәыла Аконституциа амш инадҳәаланы.

Адныҳәалараҟны иаҳәоит:

«Азин сышәҭ ҳаҭыр ду шәықәҵауа хаҭала сареи, Адәныҟатәи аусқәа рминистрра аколлективи рыхьӡала аҳәынҭқарратә ныҳәақәа ирылукааша – Аахыҵ Уаԥстәылатәи ареспублика Аконституциа амш шәыдысныҳәаларц.
Аахыҵ Уаԥстәыла Аконституциа аҵак ду аманы иҟоуп, символра ауеит адемократиатә ҳәынҭқарра ашьақәгылара ишаҿу азы, иара убасгьы Аахыҵ Уаԥстәыла асоциал-економикатә шәарҭадареи аҭышәынтәалареи рырӷәӷәаразы.

Иахьа, Аахыҵ Уаԥстәыла аиҳабыреи ажәлари реицусура азырхоуп аконституциатә нормақәеи Апринципқәеи реиҿкаара, аҭагылазаашьа маншәалақәа раԥҵара.

Агәра аагоит Аԥсны Аҳәынҭқарреи Аахыҵ Уаԥстәылеи рыбжьара ишьақәгылаз аполитикатә диалоги аусеицуреи, аизыҟазаашьақәеи ҳажәларқәа ринтересқәа ишрықәшәо. Аҭагылазаашьа ҳхы иархәаны Аахыҵ Уаԥстәыла иқәынхо ажәлар зегьы ирзеиӷьаҳшьоит аманшәалара, аҭынчра, аизҳа-зыӷьара».

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: