Боливариантәи Ареспублика Венесуела жәлар рымчра Адәныҟатәи аусқәа рминистр Феликс Пласенсиа Гонсалес Аԥсны Аҳәынҭқарра Адәныҟатәи аусқәа рминистр Инал Арӡынба ихьӡала адныҳәаларатә шәҟәы ааишьҭит.
Аашьҭымҭаҿы иҳәоуп:
«Ари иҿыцу апрофессионалтә ҭакԥхықәра ишәнаҭоит алшара аԥсуа жәлар ринтересқәа рыхьчара Аԥсны Аҳәынҭқарра асуверинитети, ахьыԥшымреи, акзаареи рырӷәӷәара хықәкны иҟаҵаны.
Азин сышәҭ шәусуратә мҩаҿы ишәԥылараны иҟоу аԥышәарақәа рҟны ақәҿиара дуқәа шәзеиӷьасшьарц.
Убри инадҳәаланы сара иазгәасҭоит ҳҳәынҭқаррақәа азеиԥш интерес зызрымоу аусхкқәа зегьы рҿы мҽхакы ҭбаала аусеицура сшазыхиоу. Уи алагьы ишьақәсырӷәӷәоит ҳтәылақәа рыбжьара ҩ-ганктәи аизыҟазаашьақәа рыҩаӡара ԥхьаҟагьы аҳаракра ишацысҵало.»