Аԥсны Адәныҟатәи аусқәа рминистр Инал Арӡынба Аԥсны иҟоу Урыстәылатәи Афедерациа иҷыдоуи азинмчнагӡеи змоу ацҳаражәҳәаҩ Михаил Шургалин иирамш идиныҳәалеит.
Адныҳәалараҟны иҳәоуп:
«Шәара шәыԥсҭазаара зегь здышәҳәалаз шәдипломатиатә усура Урыстәылатәи Афедерациаҟнеиԥш анҭыҵгьы аҳаҭыр ду иаԥсоуп.
Иазгәасҭар сҭахуп Аԥсны Адәныҟатәи аусқәа рминистрреи Аԥсны иҟоу Урыстәылатәи Афедерациа Ацҳаражәҳәарҭеи рыбжьара аконструктивизм зҵоу адиалог аҭыԥ шамоу аԥсны-урыстәылатә ҳәынҭқаррабжьаратә еинырра актуалтә зҵаарақәа рыӡбаразы.
Агәрагара сымоуп Аԥсны иҟоу Урыстәылатәи Афедерациа иҷыдоуи азинмчнагӡеи змоу ацҳаражәҳәаҩ иҳасаб ала шәусура ишарӷәӷәо аҳәынҭқаррақәа рыбжьара аизыҟазаашьақәа».