Аԥсны Аҳәынҭқарра Адәныҟатәи Аусқәа рминистр Инал Арӡынба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр Сергеи Лавров адныҳәалара изынаишьҭит.

Адныҳәалараҟны иаҳәоит:

«Урыстәылатәи Афедерациа жәларбжьаратә еизыҟазаашьақәа рлахәылак аҳасаб ала аҭынчреи аҭышәынтәалареи рырӷәӷәаразы алагала ду ҟанаҵоит.

Аԥсны Аҳәынҭқарраҿы ҳаҭыр ду ақәырҵоит аԥсуа-аурыс еизыҟазаашьақәа, хаҭала шәара ҩ-ганктәи адиалог шәалахәра.

Агәра ганы сыҟоуп ԥхьаҟагьы ҳусеицура Аԥсны Аҳәынҭқарреи Урыстәылатәи Афедерациеи рыбжьара иҟоу аимадарақәа иҵегьы идырӷәӷәап, еиздырҳап ҳәа.»