Аԥсны Адәныҟатәи аусқәа рминистр Инал Арӡынба Урыстәыла Адәныҟатәи аусқәа рминистр Сергеи Лавров имшира идиныҳәалеит.

Адныҳәалараҟны иаҳәоит:

«Шәара ҳаамҭазтәи иналукааша адипломатцәа шәреиуоуп. Шәара шәҟазара ҳараки акыр шықәса Урыстәыла аинтересқәа реиқәырхара азықәԥареи, шәылшамҭақәеи адунеи зегь аҟны шәыхьӡ аҳаракра рылдыршеит. Шәара шәнапхгарала Урыстәылатәи Афедерациа Адәныҟатәи аусқәа рминистрра адәныҟаполитикатә усура аҩаӡара ҳаракы амоуп.

Иахьа иуадаҩу агеополитикатә ҭагылазаашьа аан шәыпрофессионализм, шәхаҭаратә ҟазшьақәа, Аԥсадгьыл аинтересқәа ахадараҿы рыргылара, шәԥышәа ду зыда ԥсыхәа амам ракәны иҟоуп».