Аԥсны ААР ахҳәааҟаҵара

Аԥсны ААР ахҳәааҟаҵара
11 November 2020 866

Аинформациа амассатә хархәагақәа рҿы ицәырҵит адыррақәа Қырҭтәыла иҟоу Азербаиџьан ацҳаражәҳәаҩ Ф.Гулиеви «Аԥсны Автономтә республика аиҳабыра рхада» Р.Абашиӡеи аиԥылара рыман ҳәа.


Аиԥылараан Ф.Гулиев иазгәеиҭеит «30 шықәса инарзынаԥшуа ҳадгьылқәа рымпыҵахалареи агрессиеи раанкылареи, аҵакыратә акзаара аиҭашьақәыргылареи Азербаиџьан аиԥш арегион зегьы аҿы хра рыманы иҟоуп» ҳәа.


Иҟалап ацҳаражәҳәаҩ Аԥсни Қырҭтәылеи реимак аҟазшьа цқьа изымдыруазар, иҟалап игәырӷьара ииааины Қырҭтәыла ареваншист ҽазышәарақәа амца рыҵазҵо аҳәамҭақәа ҟаиҵазар, уи ала Аахыҵ-Кавказ ашәарҭадареи аҭышәынтәалареи рзы Женеватәи жәларбжьаратәи аиҿцәажәарақәа рганқәа иҟарҵо ашьаҿақәа аҵакы рымҭо.


Уи адагьы агәыҩбара цәырнагоит Қырҭтәыла иҟоу Азербаиџьан ацҳаражәҳәаҩ Ф.Гулиев «Аԥсны Автономтә республика аиҳабыра рхада» Р.Абашиӡеи дахьиԥылаз, уи Аԥсны Аҳәынҭқарра ажәлар рыхьӡала иарбанызаалак ҳәамҭак закәаншьаҭала аҟаҵара азин шимам гәаамыкӡаӡакәа.


Аԥсуа гәан иагәҭакуп изаамҭанытәиу Аахыҵ-Кавказ ашәарҭадареи аҭышәынтәалареи рзы Женеватәи жәларбжьаратәи аиҿцәажәарақәа раан Қырҭтәыла иҟоу Азербаиџьан ацҳаражәҳәаҩ Ф.Гулиев «Аԥсны Автономтә республика аиҳабыра рхада» Р.Абашиӡеи рыпровакациатә еиԥылара афакт азхьаԥшра аҭара.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: