Аԥсны Аҳәынҭқарра Адәныҟатәи аусқәа рминистрра Ливантәи ареспублика аҳәаанырцәтәи аусқәеи аемигрантцәа русқәеи рзы аминистррахь адышшыларатә шәҟәы нанашьҭит Беирут иҟалаз арыцҳара инамаданы.
Адышшыларатә шәҟәы аҿы иҳәоуп:
«Аԥсны Аҳәынҭқарраҿ гәалсра дула ирыдыркылеит Беирут ақалақь абаӷәазаҿы аҭыԥ змаз арыцҳара аӡбахә. Аԥсны адәныҟатәи аусқәа рминистрра гәалсрыла ирыдышшылоит иҭахаз рыуацәеи рҭынхацәеи, ааха змоу иаарласны ргәабзиара ашьқәгылара рзеиӷьаҳшьоит. Шәгәырҩа шәыцеиҩаҳшоит» ҳәа.