Аԥсны Аҳәынҭқарра Адәныҟатәи аусқәа рминистрра Шьамтәылатәи арабтә республика Адәныҟатәи аусқәа рминистррахь адныҳәаларатә шәҟәы ашьҭит Аԥсны Аҳәынҭқарреи Шьамтәылатәи арабтә республикеи рыбжьара адипломатиатә еизыҟазаашьақәа рышьақәгылара х-шықәса ахыҵра инадҳәаланы.
Адныҳәаларатә шәҟәаҿы иаҳәоит:
«Гәахәарыла иазгәаҳҭоит абри аамҭақәа рзы ҳтәылақәа рыбжьара ишышьақәгылаз аимабзиара, аизыҟазаашьа ҵоура, аиҩызареи аҳаҭыреиқәҵареи. Ҳҳәынҭқаррабжьаратә еинырра амшхәаԥштә азҵаара еиҳа-еиҳа аҽарҭбаауеит. Аҟәеи Дамаски жәларбжьаратәи азҵаарақәа жәпакы рганахь ала рҳәоу еиқәшәоит. Ҷыдала иазгәаҳҭоит адәныҟаполитикатә усҳәарҭақәа реинырра бзиа.
Гәыҩбара аманы иҟам аԥсны-шьамтәылатәи аекономикатә,атехнологиатә, акультуратә уҳәа еинырра аԥеиԥш ду шамоу.
Иҟоу аҭагылазаашьа ахы иархәо Аԥсны Аҳәынҭқарра Адәныҟатәи аусқәа рминистрра Шьамтәыла иқәынхо ажәлар ирзеиӷьанашьоит аҭынчреи аизҳазыӷьареи.»