Дамаск ақалақь аҟны имҩаԥысуаз Жәларбжьаратәи ааглыхратә цәыргақәҵа атеррористцәа анаехсуаз Аԥсны атәылауаа ԥырхага рмоуит

Дамаск ақалақь аҟны имҩаԥысуаз Жәларбжьаратәи ааглыхратә цәыргақәҵа атеррористцәа анаехсуаз Аԥсны атәылауаа ԥырхага рмоуит
21 August 2017 884
Жәларбжьаратәи ааглыхратә цәыргақәҵа, Дамаск ақалақь аҟны имҩаԥысуаз, атеррористцәа аехсит. АИХ (СМИ) рдырраҭарақәа рыла ԥшьҩык аҭааҩцәа ҭахеит, ԥышьҩык ахәрақәа роуит аракетатә снариадқәа ахьрылаҳаз инамаданы. Абри аан Аԥсны атәылауаа ԥырхага рмоуит.

Аԥсны Адәныҟатәи аусқәа рминистрра аделегациа аҭааит 59-тәи Дамасктәи Жәларбжьаратәи ааглыхратә цәыргақәҵа. Иара иалахәын Аԥсны Аҳәынҭқарра Ахәаахәҭа-ааглыхратә палата аделегациагьы.

Дамасктәи Жәларбжьаратәи ааглыхратә цәыргақәҵа Шьамтәылан аибашьра ҟалаанӡа Мрагылараааигәатәи арегион аҟны иреиҳау ҳәа иԥхьаӡан. Раԥхьаӡа акәны иара мҩаԥган 1954 шықәса рзы.

Ацәыргақәҵа иалахәуп Аԥсны, Ермантәыла, Белоруссиа, Бразилиа, Венесуела, Индиа, Индонезиа, Ирак, Иран, Иемен, Китаи, КНДР, Куба, Ливан, Палестина, Урыстәыла, Судан, Чехиа, Алада-Африкатәи Ареспублика уҳәа жәпакы атәылақәа.

Иахьазы ацәыргақәҵа аусура иацнаҵоит.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: