Рашәара 20 рзы Аахыҵ Уаԥстәыла Ареспублика азеиԥшмилаҭ уснагӡатәқәа рымш аҽны Приднестровиатәи Молдавиатәи Ареспубликаҿы иҟоу Аахыҵ Уаԥстәылатәи Ареспублика аофициалтә хаҭарнакраҿгьы имҩаԥнагеит агәалашәаратә уснагӡатәқәа.

Приднестровиатәи Молдавиатәи Ареспубликаҿы иҟоу Аахыҵ Уаԥстәылатәи Ареспублика аофициалтә хаҭарнакра ахада Витали Ианковски инаԥхьарала ауснагӡатәқәа ихы рылаирхәит Приднестровиатәи Молдавиатәи Ареспубликаҿы иҟоу Аԥсны Аҳәынҭқарра ахада Александр Ватаман, иара убасгьы ПМА Иреиҳаӡоу ахеилак ахантәаҩы Александр Коршунов, ПМА аиҳабыра рхантәаҩ ихаҭыԥуаҩ Станислав Касап, ПМА Адәныҟатәи аусқәа рминистр Витали Игнатьев, ПМА Аҳәынҭқарратә шәарҭадара аминистр Валери Гебос.

Аахыҵ Уаԥстәыла ауахәамақәа рҿы анцәа иашьапрақәа мҩаԥыргоит, амемориалқәа рымҵаҿ ашәҭшьыҵәрақәа шьҭарҵоит, азеиԥшмилаҭтә ҿымҭра мҩаԥган.

Агәалашәаратә уснагӡатәқәа рҳәаа иҭакны Приднестровие амитинг-реквием мҩаԥган, Аахыҵ Уаԥстәыла абираҟ лашьҭын. Агәалашәаратә шәҟәы аҿы ранҵамҭақәа нрыжьит аҳәынҭқарратә усҳәарҭақәа рнапхгаҩцәа.

Приднестровиатәи Молдавиатәи Ареспубликаҿы иҟоу Аԥсны Аҳәынҭқарра ахада Александр Ватаман Агәалашәаратә шәҟәаҿы ианиҵеит:

«1920 шықәса рзы Аахыҵ Уаԥстәыла ажәлар рганахь ала Қырҭтәыла имҩаԥнагаз агеноцид хашҭра ақәым, имҩаԥызгазгьы   ахааназ ахара изаҵыҵуам.

Ари агәалашәаратә рыцхә Аахыҵ Уаԥстәыла ажәлар ирыцеиҩыршоит Приднестровиатәи Молдавиатәи Ареспубликаҿы иҟоу Аԥсны Аҳәынҭқарра ахаҭарнакра аусзуҩцәа.

Рашәара 20 2020 шықәса».