Цәыббра 17 рзы Аԥсны Адәныҟатәи аусқәа рминистрраҿы имҩаԥысит онлаин конференциа (аплатформа Zoom ацхыраарала) Урыстәыла Адәныҟатәи аусқәа рминистрра адипломатцәа ҿарацәа алархәны.
Адипломатцәа ҿарацәа ҩ-ганктәи рконсультациақәа рҳәаақәа иҭагӡаны Аԥсны Адәныҟатәи аусқәа рминистрреи Урыстәыла Адәныҟатәи аусқәа рминистреи рдипломатцәа ҿарацәа реилацәажәара еиуеиԥшым азҵаарақәа рганахь ала. Адипломатцәа ҿарацәа рзааҭгылеит: адипломатиа, ацифраркра; апандемиа; Аиааира Ду 75-шықәса ахыҵра; Ахеилакқәа рыпроектқәа реицымҩаԥгара; адипломатцәа ҿарацәа рфорумқәа рҳәаа иҭагӡаны ԥхьаҟатәи аинырра иара убасгьы наҟ-ааҟ аинтерес ззеицрымаз азҵаарақәа.
Аиԥылара мҩаԥысит аԥхарратә ҟазшьа аманы. Адипломатцәа ҿарацәа агәыӷра аадырԥшит хара имгакәа оффлаин аформат ала еиқәшәап ҳәа.