Аԥсны Адәныҟатәи аусқәа рминистрраҟны аиԥылара мҩаԥысит

Аԥсны Адәныҟатәи аусқәа рминистрраҟны аиԥылара мҩаԥысит
8 September 2020 109

Аԥсны Адәныҟатәи аусқәа рминистрраҟны имҩаԥысит Адәныҟатәи аусқәа рминистр ихаҭыԥуаҩ Иракли Ҭыжәбеи ООН УВКБ ахаҭарнак Кемлин Фиорлии реиԥылара.

Аиԥылара иалахәын Аминистрра жәларбжьаратәи аимадарақәа рзы Адепартамент аиҳабы Гагәылиа, Аԥсны иҟоу ООН УВКБ аофис ахаҭарнак Арджун Шрест, азинтә зҵаарақәа рзы абжьагаҩ Мариа Волошкевич. 

Аиԥылараҟны ирылацәажәан УВКБ Аԥсны имҩаԥнагараны иҟоу аусқәа рызҵаарақәа жәпакы.

ООН УВКБ ахаҭарнакцәа еиҭарҳәеит Аԥсны аҵакыраҿы зымҩаԥгара рыгәҭаку апроектқәа рыӡбахә. Хаҭала ирзааҭгылан Аԥсны Мрагыларатәи ахәҭаҿы ақыҭанхамҩа знапы алаку ацхыраара рыҭара, Аԥсны иахьаҵанакуа иҟоу ашколқәа рҭагылазаашьа аиӷьтәра, зылшара ԥку ауааԥсыра агуманитартә цхыраара рыҭара реиԥш иҟоу азҵаарақәа.

Иракли Ҭыжәба ахәшьара ҳарак аҭаны дахцәажәеит ООН УВКБ аофис Аԥсны имҩаԥнаго аусура, иазгәеиҭеит асеиԥш иҟоу апроектқәа аҵак ду рыманы ишыҟоу, ауааԥсыра рҭагылазаашьа акыр ишеиӷьыртәуа.

Иара убасгьы ирзааҭгылан наҟ-ааҟ аинтерес ззеицрымоу азҵаарақәагьы.

УВКБ (UNHCR) – ООН амаҵзура, имҩаԥнагоит еиуеиԥшым агуманитартә программақәа. Аофис Аԥсны иаартын 1993 шықәса рзы.


Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: