Аԥснытәи адипломатцәа ҿарацәа III Аглобалтә форум иалахәуп

Аԥснытәи адипломатцәа ҿарацәа III Аглобалтә форум иалахәуп
15 November 2019 808

Аԥсны адәныҟатәи аусқәа рминистрраҿ иаԥҵоу Адипломатцәа ҿарацәа рхеилак алахәылацәа Асҭанда Патараиа (Аԥсны адәныҟатәи аусқәа рминистрраҿ иаԥҵоу Адипломатцәа ҿарацәа рхеилак ахантәаҩы), Инар Ладариа (Аԥсны адәныҟатәи аусқәа рминистрраҿ иаԥҵоу Адипломатцәа ҿарацәа рхеилак ахантәаҩы лхаҭыԥуаҩ), Саид Какалиеи Валериа Цкуеи (Аԥсны адәныҟатәи аусқәа рминистрраҿ иаԥҵоу Адипломатцәа ҿарацәа рхеилак алахәылацәа) рҽаладырхәит Адипломатцәа ҿарацәа III рглобалтә форум. Дара уахь анаԥхьара рыҭан Урыстәыла адәныҟатәи аусқәа рминистрраҿ иаԥҵоу Адипломатцәа ҿарацәа рхеилак аҟынтәи.

Афорум мҩаԥысуеит Москва абҵара 13-15 рзы, абри атемала: "Изменение глобального миропорядка".

Сынтәа афорум аусура иалахәуп 160-ҩык рҟынӡа аделегатцәа адунеи атәылақәа 85 рҟынтә. Адипломатцәа ҿарацәа III рглобалтә форум аартраан ажәахәқәа ҟарҵеит: Урыстәылатәи Афедерациа АХ аҿы жәларбжьаратәи аусқәа рзы аилак ахантәаҩы Константин Косачев, Евразиатәи аекономикатә комиссиа аминистр Сергеи Глазьев.

Афорум аусура мҩаԥысуеит апленартә еилатәарақәа рҟны абарҭ атемақәа: " АИХ, аинтернет, агуманитартә еиҿкаарақәа ҳаамҭазтәи аизыҟазаашьақәа рҟны инарыгӡо ароль", "Ҳаамҭазтәи аизыҟазаашьақәа рҟны аекономикатә интеграциатә процессқәа рроль ", "Афашизм аиааира 75-шықәса ахыҵреи ООН75-шықәса ахыҵреи", "Ҳаамҭазтәи адипломат ихаҿы" рыла.

Афорум аҵыхәтәантәи амш азы иалацәажәараны иҟоуп Адипломатцәа ҿарацәа Жәларбжьаратәи рассоциациа Аԥҟаԥҵәа, афорум аихшьаалатә документ рыдыркылараны иҟоуп.

Адипломатцәа ҿарацәа I рглобалтә форум аартын Шәача, 2017 шықәса жьҭаарамзазы.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: