Санкт-Петербург Аԥсны Ахаҭарнакра аартхоит ҳәа иҳәеит Аԥсны АА рминистр Инал Арӡынба.
"Санкт-Петербург хра злоу жәларбжьаратәи ауснагӡатәқәа ахьымҩаԥырго, жәларбжьаратәи аиҿкаарақәа ахьырацәоу, насгьы ари ақалақь аҿы инхо ҳџьынџьуаа шырацәоу ҳасаб азуны иахәҭаны иазаҳаԥхьаӡоит ҳхаҭарнакра Санкт-Петербург аартра", - иҳәеит Арӡынба.
Арӡынба иазгәеиҭеит Аԥсны ахаҭарнакцәа алшара шрымоу мрагыларааигәатәи ҳпартниорцәа рыҿцәажәарақәа рымҩаԥгара «ПМЭФ-2023» абазаҿы.
«Шьамтәыла, Палестины, Еиду Арабтә Емиратқәа, Ливан, Иемен уҳәа егьырҭ атәылақәа рҟынтәи ҳпартниорцәа ҳарныруеит. Ари ҳхырхарҭа аҵакы аманы ҳахәаԥшуеит. Иҟоуп алшара дуқәа аинвестициа аусхк аҟны аусеицуразы», - иҳәеит аминистр.