2022 шықәса абҵара 24 - 26 рзы Санкт-Петербург имҩаԥысит БРИКС+ атәылақәа IV Жәларбжьаратәи рмуниципалтә Форум. Ауснагӡатә мҩаԥган Урыстәыла ААРи Россотрудничествеи иҟарҵаз адгыларала.
Афорум аусура иалахәын Аԥсны Адәныҟатәи аусқәа рминистрра аусзуҩцәа: Лаша Аҩӡба, Артур Гагәылиа, Ирина Турааԥҳа, Џьемал Бганба, Алиас Асабуа, Ҭамаз Смыр.
Видиоеимадарала Афорум алахәылацәа дрыҿцәажәеит Урыстәыла Адәныҟатәи аусқәа рминистр Сергеи Лавров.
БРИКС+ атәылақәа Жәларбжьаратәи рмуниципалтә Форум есышықәсатәи уснагӡатәуп.