Инал Арӡынбеи Дмитри Медоеви Акоммиунике еицрыдыркылеит

Инал Арӡынбеи Дмитри Медоеви Акоммиунике еицрыдыркылеит
10 March 2022 268

Хәажәкыра 10, 2022 шықәсазы Аҟәа имҩаԥысит Аԥсни Аахыҵ Уаԥстәылеи рыдәныҟаполитикатә усҳәарҭақәа рхадацәа И. Б. Арӡынбеи Д. Н. Медоевы аиԥылара мҩаԥыргеит. Аиԥылараҟны ирылацәажәан аҳәынҭқаррабжьаратә усеицура актуалтә зҵаарақәа.

Аԥснытәии Аахыҵ Уаԥстәылатәии Аганқәа ишьақәдырӷәӷәеит Аԥсны Аҳәынҭқарреи Аахыҵ Уаԥстәылатәи Ареспубликеи рыжәларқәа аинтерес ззеицрымоу аусхкқәа рҟны аинырра рыҽшазыршәало;

Аԥснытәии Аахыҵ Уаԥстәылатәии Аганқәа ишьақәдырӷәӷәеит Аԥсны Аҳәынҭқарреи Аахыҵ Уаԥстәылатәи Ареспубликеи инарҭбаау жәларбжьаратәи азхаҵара аиура рыҽшазыршәало;

Аԥснытәии Аахыҵ Уаԥстәылатәии Аганқәа Қырҭтәыла аганахь ала ааԥхьара ҟарҵеит Аԥсны Аҳәынҭқарреи Аахыҵ Уаԥстәылатәи Ареспубликеи азханаҵарц;

Аԥснытәии Аахыҵ Уаԥстәылатәии Аганқәа ишьақәдырӷәӷәеит Аԥсны Аҳәынҭқарреи Қырҭтәылеи Аахыҵ Уаԥстәылатәи Ареспубликеи Қырҭтәылеи рыбжьара амч ахамырхәаразы жәларбжьаратәи ахәдықәҵарақәа роуразы аиқәшаҳаҭра анапаҵаҩра рыҽшазыршәало;

Аԥснытәии Аахыҵ Уаԥстәылатәии Аганқәа ишьақәдырӷәӷәеит Аԥсны Аҳәынҭқарреи Аахыҵ Уаԥстәылатәи Ареспубликеи Урыстәыла имҩаԥнаго арратә операциа ишадгыло Донбасс ауааԥсыра рыхьчаразы;

Аԥснытәии Аахыҵ Уаԥстәылатәии Аганқәа ишьақәдырӷәӷәеит Аԥсны Аҳәынҭқарреи Аахыҵ Уаԥстәылатәи Ареспубликеи Донецктәи жәлар Рреспубликеи Лугансктә жәлар Рреспубликеи рхьыԥшымреи рсуверинитети шазхарҵо.

Аминистрцәа иазгәарҭеит ишадгыло ООН аҿы Аԥсны Аҳәынҭқарреи Аахыҵ Уаԥстәылатәи Ареспубликеи рҿахәы рҳәартә еиԥш азин ишазықәԥало.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: