Москва имҩаԥысит Аԥснытәи Афорум

Москва имҩаԥысит Аԥснытәи Афорум
31 May 2022 92

Лаҵара 31 азы Аԥсны ААР аԥшьгамҭала Москва, "Россия сегодня" жәларбжьаратәи амультимедиатә пресс-центр аҿы имҩаԥысит Аԥснытәи афорум.

Афорум ареспублика асоциал-економикатә лшара урыстәылатәи аудиториа азӡыргара, Аԥсны аинвестициатә хьӡы аларҵәара ирзырхоуп. Ауснагӡатә иалахәуп аҳәынҭқарратәи ауаажәларратәи усзуҩцәа, анаплакыҩцәа, Москва аккредитациа змоу адипкорпус ахаҭарнакцәа.

Афорум аилатәара ааиртит Аԥсны Адәныҟатәи аусқәа рминистр Инал Арӡынба. Иара иҳәеит ццакрыла зҽызыԥсахуа агеополитикатә ҭагылазаашьаҿы ҳара иаабоит ҳреспубликахь аинтерес шыҟоу, ҳтәыла аиҳабыра Аԥсны аинвистициатәии атуристтәии ҭахра аизырҳара рҽазыршәоит ҳәа.

Инал Арӡынба иара убасгьы иҳәеит Аԥсны аинтеграциатә процессқәа рылахәхаразы аҭагылазаашьа маншәалақәа шаԥҵахо, ари азҵаара азхьаԥшра ду шамоу.

Ауснагӡатә аҿы иқәгылеит Ихьыԥшым амилаҭқәа реидгыла аусқәеи, евразиатәи аинтеграциеи, аџьынџьуаа рымадара аусқәеи рзы Аҳәынҭқарратә Дума аилак аилатәара аихшьаалақәа аҭо, Аилак ахантәаҩы актәи ихаҭыԥуаҩ Константин Затулин, Ареспублика Ҟрым аминистрцәа Рхеилак ахантәаҩы, Урыстәыла ахада иҟны Ҟрым ахаҭарнак, Георги Мурадов, Аҳәынҭқарратә Дума адепутат Олег Колесников, ВТБ ахантәаҩ ихаҭыԥуаҩ Александр Гоголев, Жәларбжьаратәи аинформациатә маҵзура «Россия сегодня», ателеканал RT рредактор Маргарита Симониан, Урыстәыла жәлар рартист, Агәыҳалалра ацҳаражәҳәаҩ Николаи Басков.

Аԥсны ААР аԥшьгамҭала Москва, "Россия сегодня" жәларбжьаратәи амультимедиатә пресс-центр аҿы имҩаԥысуаз Аԥснытәи афорум видеоцҳала Sputnik апресс-центр аҟынтәи рҽаладырхәит атуристтә комплекс "Тамшь Village" адиректор Константин Новиков, атранспорттә еилахәыра "Гаруда-экспресс" аҿиаразы адиректор Асҭан Барцыц, ААУ жәларбжьаратәи аимадарақәа рыҟәша аиҳабы Анна Адлеиԥҳа.

Афорум иалахәуп Урыстәылатәи Афедерациа, Донецктәи Жәлар Рреспублика, Лугансктәи Жәлар Рреспублика, Палестина, Ареспублика Аахыҵ Уаԥстәыла, Таџьикистан, Шьамтәылатәи Арабтә Республикиа, Ареспублика Никарагуа, Боливариантәи Ареспублика Венесуела, Бахреин, Катар, Ангола, Гана, Гвинеи – Бисау, Панама рхаҭарнакцәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: