Приднистровиатәи Молдавиатәи Ареспублика Иреиҳаӡоу ахеилак аҿы аиԥыларақәа мҩаԥысит

Приднистровиатәи Молдавиатәи Ареспублика Иреиҳаӡоу ахеилак аҿы аиԥыларақәа мҩаԥысит
11 February 2022 208

Жәабран 10 азы имҩаԥысит Приднистровиатәи Молдавиатәи Ареспублика аҟны иҟоу Аԥсны ахаҭарнак Александр Ватамани Приднистровиатәи Молдавиатәи Ареспублика аҟны иҟоу Аахыҵ Уаԥстәыла ахаҭарнак Витали Ианковскии Приднистровиатәи Молдавиатәи Ареспублика Иреиҳаӡоу ахеилак ахантәаҩы Александр Коршуновы реиԥылара. Аиԥылара далахәын Приднистровиатәи Молдавиатәи Ареспублика Иреиҳаӡоу ахеилак ахантәаҩы адәныҟатәи аполитиказы иабжьгаҩ Сергеи Широкови.

Аиԥылара аҳәаақәа ирҭагӡаны аганқәа алацәажәеит ганрацәалатәи аформат ала аинырра аҭагылазаашьеи аԥеиԥшқәеи.

Аинтерес рзаарԥшын адиалог адгылареи аусеицура арҭбаареи приднестровиатәи апарламенти Аԥсни Аахыҵ Уаԥстәылеи рхаҭарнакрақәеи рыбжьара.

Иара убри амш азы Приднистровиатәи Молдавиатәи Ареспублика Иреиҳаӡоу ахеилак аҿы имҩаԥысит Александр Ватамани Приднистровиатәи Молдавиатәи Ареспублика Иреиҳаӡоу ахеилак ахантәаҩ ихаҭыԥуаҩ, азакәанԥҵарази, азинхьчаратә усбарҭақәа рзи, атәылахьчарази, атәылауаа рзинқәеи рхақәиҭрақәеи рыхьчарази апарламенттә хеилак ахантәаҩы Галина Антиуфиевеи реиԥылара.

Аиԥылараан агәаанагарақәа еимдан аԥсны-приднестровиатәи усеицура актуалтә зҵаарақәа рзы.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: