Ажәабжь ҿыцқәа

Аԥсны адәныҟатәи аусқәа рминистрра Ашьха Ҟарабах иҟоу аҭагылазаашьаз адунеитә уаажәларрарахь ааԥхьара ҟанаҵеит
Азхьаԥшра аҭоуп Белоруссиатәи ахҭысқәа рконтекст ала еицырдыруа Урыстәыла аполитикатәи ауаажәларратәи усзуҩцәақәак иҟарҵо ааԥхьарақәа Урыстәылатәи Афедерациеи, Белоруссиеи, Аԥсни, Аахыҵ Уаԥстәылеи, Приднестровиеи, ДЖәР-и ЛЖәР-и реидыларазы.
Аԥсны Аҳәынҭқарра Адәныҟатәи аусқәа рминистрра агәҭынчымра аанарԥшуеит НАТО атәылақәа милаҭрацәалатәи аҽазыҟаҵарақәа рцикл "Достойный партнер 2020" (Noble Partner 2020) аҳәаақәа ирҭагӡаны Қырҭтәыла адгьылҵакыраҿы имҩаԥырго аҽазыҟаҵарақәа рганахь ала. Қырҭтәыла имҩаԥысуа аҽазыҟаҵарақәа ирылахәхоит акырнызқь аруаа, арратә техника хьанҭа, авиациа, ЕАА арра-мшынтә флот аӷбақәа.
Ареспубликатә уаажәларратә еиҿкаара «Аруаа» ааԥхьара ҟанаҵеит Аԥсны ахада Аслан Бжьаниа иахь Аԥсни Қырҭтәылеи ԥхьаҟатәи реизыҟазаашьақәа дышрыхәаԥшуа атәы далацәажәарц.
Апарламент аҿы аҳасабырба ҟаҵо дықәгылеит Қырҭтәыла аԥыза-министр Георги Гахариа. Иара иааԥхьароуп ҳәа ахиҳәааит Қырҭтәылеи иара амилаҭтә шәарҭадареи рзы «Урыстәылатәи аоккупациа». Игәаанагарала атәыла аҿиара алзмыршогьы ури ауп. Уи адагьы Г. Гахариа «аоккупациа зызуу аҵакырақәа» рҟны аҭагылазаашьазы ахара здиҵо Урыстәылоуп. Иара ишиҳәо ала Урыстәыла уа ахылаԥшра ахахьы иагеит.
Лаҵара 6 2020 шықәса рзы Боливариантәи Ареспублика Венесуела иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа Боливариантәи Ареспублика Венесуела Адәныҟатәи аусқәа рминистрра иҟанаҵаз ааԥхьарала ихы алаирхәит Боливариантәи Ареспублика Венесуела ахада Николос Мадуро Морос имҩаԥигоз Жәларбжьаратәи авидеоконференциа.
Ааигәа коронавирус апандемиа иазкны имҩаԥысыз Қырҭтәыла аԥыза-министр Г. Гахариеи Европатәи акомиссиа ахантәаҩы Урсула фон дер Лиаени рвидеоконференциаан иалацәажәан «аоккупациа зызуу аҵакырақәа рҟны аҭагылазаашьа уадаҩ». Қырҭтәыла аԥыза-министр иныҭкааны далацәажәеит арҭ аҵакырақәа рҟны иҟоу аҭагылазаашьа.
2020 шықәса хәажәкыра 22 рзы Аԥсны Аҳәынҭқарраҿы имҩаԥысит атәыла ахада иалхрақәа. жәларбжьаратәи анаԥшыҩцәа иҟарҵаз ахәшьарала алхрақәа мҩаԥысит аиҿкаара ҳарак рыман, амилаҭтә закәанԥҵара инақәыршәаны, алхыҩцәа рзинқәа еилагарак рымамкәа.
Адунеи атәылақәа жәпак рыҟны акоронавирустә инфекциа (COVID-19) здырбало ауаа рхыԥхьаӡара еиҳа иахьышьҭыҵыз инамаданы Аԥсны Адәныҟатәи аусқәа рминистрра аҽазныкгьы ареспублика ауааԥсыра рахь ааԥхьара ҟанаҵоит ари ачымазара ахьазгәаҭо атәылақәа рҭаара ԥыркырц.
Апарламент аҿаԥхьа есышықәсатәи анашьҭымҭа ҟаҵо Қырҭтәыла ахада лықәгылараан илҳәеит Аԥсни Аахыҵ Уаԥстәылеи рганахь ала Қырҭтәыла «акрызҵазкуа аҭынчратә шьаҿақәа ҟанаҵоит» ҳәа. Иара убасгьы Саломе Зурабишвили илҳәеит «аоккупациа зызуу аҵакырадгьылқәа рганахь ала акрызҵазкуа ашьаҿақәа ҟаҳҵахьеит, аха еиҳа инарҭбаау аполитика амҩаԥгара ҳҽазыҟаҳҵароуп» ҳәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: