Аԥсны Адәныҟатәи аусқәа рминистр Даур Ақаҩба Аахыҵ Уаԥстәыла Адәныҟатәи аусқәа рминистр Дмитри Медоев Аахыҵ Уаԥстәыла ашьаҭаркра 30 шықәса ахыҵра инадҳәаланы адныҳәаларатә шәҟәы изишьҭит.
Ашәҟәаҿы иҳәоуп:
«1990 шықәса цәыббра 20 Аахыҵ Уаԥстәыла ажәлар ахьыԥшымрахь рымҩахь иналукааша шьаҿаны иҟоуп.
Ахьыԥшымраамҭаз Аахыҵ Уаԥстәыла иалшеит еиуеиԥшым ахырхарҭақәа рҿы ақәҿиарақәа роура, аԥсҭазаара аиҭакра. Шәтәыла арегион аҿы ашәарҭадареи аҭышәынтәалареи рызҵаарақәа рыӡбараҿы алагала ду ҟанаҵоит.
Ҳаиашьаратә жәларқәа рҳәынҭқаррақәа рхы иақәиҭны рыҿиаразы аџьамыӷәа рхыргеит. Аԥсны Аҳәынҭқарраҿы ахәшьара ҳаракы арҭоит аиҩызареи аиашьареи ҭоурыхла ҵаҵӷәыс измоу Аԥсни Аахыҵ Уаԥстәылеи реинырра, русеицура.
Агәра згоит ҳаизыҟазаашьақәа ԥхьаҟагьы ганрацәалатәи аҿиара шроуазы».