Аԥсны Аҳәынҭқарра Адәныҟатәи
аусқәа рминистрра

Ministry of Foreign Affairs of the
Republic of Abkhazia

Аԥсны Адәныҟатәи аусқәа рминистрра каталониатәи ахҭысқәа инарыдҳәаланы аҳәамҭа ҟанаҵеит

Аԥсны Адәныҟатәи аусқәа рминистрра каталониатәи ахҭысқәа инарыдҳәаланы аҳәамҭа ҟанаҵеит
2 October 2017 318
2017 шықәса жьҭаара 1 азы Каталониа Испаниа иалҵырц азы имҩаԥгаз ареферендум аҟны зыбжьы зҭииз рҟынтәи 90% ахьыԥшымраз иқәгылеит. Аԥсны Адәныҟатәи аусқәа рминистрра ари ахҭыс иацклаԥшуеит аинтерес кны.

Испаниа анапхгара аханатәгьы ареферендум алҵшәақәа разхаҵара хықәкны ирымамызт. Испаниа иахьатәи анапхгара ахатәы тәылауаа рганахь ала рхымҩаԥгашьа цәгьоуроуп ҳәа азыҳәар ауеит. Ареферендум аламҭалаз испаниатәи аиҳабыра хыԥхьаӡара рацәала Каталониа еицырдыруа ауаажәларратәи аполитикатәи усзуҩцәа рҭакрақәа мҩаԥыргон.

Угәы унамырхьыр залшом европатәи ацивилизациатә тәылақәа, адемократиа ҳақәныҟәоит ҳәа зхы зшьақәо иарбанызаалак аҽа гәаанагарак раҳарц ахьырҭахым. Урҭ амчра рхы иархәаны аԥыжәара ргарц рҭахуп.

Каталониагьы Аԥснеиԥш иамоуп ахатәы ҭоурых, акультура, ақабзқәа, аҵасқәа.

Каталониатәи ахҭысқәагьы Аԥснытәи ахҭысқәа акыр иреиԥшнушьалартә иҟоуп. Аԥсынгьы, иахьа Каталониа еиԥш ахьыԥшымраз иқәԥон, ишалшоз ала ҭынчмҩала. Уи аҭакс Қырҭтәыла абџьар шьҭнахит.

Агәра аагоит Испаниа аҭыԥ змоу аҩныҵҟа политикатә кризис азинтә мҩа иацәхымҟьакәа аӡбшьа аҭахап ҳәа.

Материалы по теме

 
 
 

Аԥсны Адәныҟатәи аусқәа рминистрраҟны аиԥылара мҩаԥысит

11.04.2018

Адәныҟатәи аусқәа рминистрра адныҳәаларатә шәҟәы

08.04.2018

Аԥсны Адәныҟатәи аусқәа рминистрра Урыстәылатәи Афедерациа Адәныҟатәи аусқәа рминистррахь адашшыларатә шәҟәы нанашьҭит

26.03.2018

Адәныҟатәи аусқәа рминистрра адышшыларатә шәҟәы ашьҭит

12.02.2018

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: