Аԥсны Адәныҟатәи аусқәа рминистрра ахҳәаа

Аԥсны Адәныҟатәи аусқәа рминистрра ахҳәаа
17 January 2020 325

Аԥсны Адәныҟатәи аусқәа рминистрра азхьаԥшра анаҭеит ақырҭуа маҵзурауаа Аԥсни Қырҭтәылеи рыбжьара адиалог хацырктәуп ҳәа Аԥсны ауаажәларра-политикатә усзуҩцәа иҟарҵаз ажәадгалақәа ирзаадырԥшыз ареакциақәа.

Абри инадҳәаланы иазгәаҭатәуп: иџьашьатәуп иаалырҟьаны ақырҭуа напхгара мчқәа адиалог иазыхиоуп ҳәа иҟоу аинформациа. Ҳара ҩ-ганктәи аиҿцәажәаратә формат – Аԥсны Аҳәынҭқарра аҭахкаара апроблемақәа рылацәажәареи, арегионалтә шәарҭадареи, аекологиеи егьырҭ агуманитартә ҟазшьа змоу азҵаарақәеи аҵаркны реиҭахацыркра ҳазыхиоуп еснагь.

Убри аан иазгәаҳҭоит ҳтәыла аполитикатә статус, атәыла Аконституциаҿ иарбоу Аԥсны ажәлар ргәаҳәара хада, иарбанызаалак цәажәарак иамаҭәарны ишыҟам.

Аԥсны Аҳәынҭқарреи Қырҭтәылеи 1994 - 2008 шықәсқәа рзы ООН анапхгарала, Урыстәылеи егьырҭ атәылақәеи алархәны аиҿцәажәаратә процесс иалахәын. Абри аиҿцәажәаратә формат аҟны Аԥсны аимак иаганны иқәгылон. Уи хәарҭан аполитика-дипломатиатә лҵшәақәа роуразы.

2008 шықәса рзы Аахыҵ Уаԥстәыла аҭыԥ зауз бџьаршьҭыхлатәи ақәгылареи уи ашьҭахь Урыстәылатәи Афедерациа Аԥсны Аҳәынҭқарреи Аахыҵ Уаԥстәыла Ареспубликеи рхьыԥшымра ахьазханаҵази инарыдҳәаланы аусура иалагеит Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа. Дара иахьатәи аамҭазы иналукааша жәларбжьаратә форумны иԥхьаӡоуп арегион аҭагылазаашьа аҭышәныртәаларази Аԥсни Қырҭтәылеи рполитикатә диалог адгылара аҭарази. Аформат иалахәуп Аԥсны, Қырҭтәыла, Аахыҵ Уаԥстәыла, Урыстәыла, Еиду аштатқәа. Аицхантәаҩцәа – ЕС, ООН, ОБСЕ. Женеватәи аиҿцәажәарақәа хра рыманы ҳрыхәаԥшуеит, ԥхьаҟа реиҵыхрагьы ҳақәшаҳаҭуп.

Хыхь иарбо азхьаԥшра аҭо иазгәаҭатәны иаҳшьоит аҳәынҭқаррақәа рыҩба рыбжьара аизыҟазаашьақәа рҭышәныртәалареи Аҟәеи Қарҭи рыбжьара адиалог аҽа формақәак аиуреи амчра ахамырхәаразы адокумент анапы анаҵаҩхалак ашьҭахь ауп иалшоны ианыҟало ҳәа.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: