Адәныҟатәи аусқәа рминистрра ахҳәаа

Адәныҟатәи аусқәа рминистрра ахҳәаа
11 September 2020 297

Азхьаԥшра аҭоуп Белоруссиатәи ахҭысқәа рконтекст ала еицырдыруа Урыстәыла аполитикатәи ауаажәларратәи усзуҩцәақәак иҟарҵо ааԥхьарақәа Урыстәылатәи Афедерациеи, Белоруссиеи, Аԥсни, Аахыҵ Уаԥстәылеи, Приднестровиеи, ДЖәР-и ЛЖәР-и реидыларазы.

Евразиатәи аҵакыра аҳәаақәа ирҭагӡаны еиуеиԥшым аинтеграциатә проектқәа рылацәажәара шалшо азгәаҭаны иазаҳаԥхьаӡоит Аԥсны Аҳәынҭқарра аполитикатә статус ҷыда шамоу азгәаҭара.

Аԥсны Аҳәынҭқарра исувереннтәу аполитикатә статус ҳәаақәҵоуп атәыла Аконституциеи, аҳәынҭқарратә хьыԥшымразы Акти рыла, азиншьаҭа аҭаны иазхаҵоуп Урыстәыла ахада иқәҵарала нанҳәа 26 2008 шықәсазы. Ари аӡбамҭа Аԥсны аҭоурых аҿы иналукааша хҭысуп. Иаԥнаҵоит иҿыцу алшарақәа атәыла ашәарҭадара, аполитикатә ҭышәынтәалара, асоциал-економикатә ҿиара рзы.

Аҽазныкгьы азгәаҭара аҭахны иаабоит Аԥсны Аҳәынҭқарра аполитикатә статус еиҭакра шақәым.

Аԥсни Урыстәылеи рҳәынҭқаррабжьаратә еизыҟазаашьа иамоу астратегиатә ҟазшьа Аԥсни Урыстәылеи ринтересқәа ирықәшәоит, ирықәшәоит ҳаамҭазтәи аполитикатә реалиақәагьы.

Абри инадҳәаланы Урыстәыла ауаажәларра-политикатә усзуҩцәа рахь ааԥхьара ҟаҳҵоит Урыстәыла анапхгара рпозициа иацәхьаку аҳәамҭақәа рыҟаҵара ԥхьаҟагьы рҽацәхьаркларц.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: