Аахыҵ Уаԥстәыла Ахада Анатоли Бибилов иофициалтә ҭаара аҳәаақәа ирҭагӡаны Даур Ақаҩбеи Дмитри Медоеви Аԥсны Адәныҟатәи аусқәа рминистрреи Аахыҵ Уаԥстәыла Адәныҟатәи аусқәа рминистрреи рыбжьара аконсультациақәа Рыплан рнапы аҵарҩит

Ԥхынгәы 7 рзы Аахыҵ Уаԥстәыла Ахада Анатоли Бибилов официалтә визитла Аԥсны Аҳәынҭқарра даҭааит.

Бибилов зхадараҟны дыҟаз аделегациа иалахәун: Адәныҟатәи аусқәа рминистр Дмитри Медоев, Акультура аминистр Жанна Зассеева, Апрокурор хада Урузмаг Джагаев, КГБ ахантәаҩы Виктор Шаргаев, Ауаажәларратә палата ахантәаҩы Анатоли Джиджоев, Аԥсны иҟоу Аахыҵ Уаԥстәыла Ацҳаражәҳәаҩ Олег Боциев.