Даур Ақаҩба Гассан Халил дидикылеит

Даур Ақаҩба Гассан Халил дидикылеит
26 March 2019 348
Хәажәкыра 26рзы Аԥсны Адәныҟатәи аусқәа рминистрраҿы имҩаԥысит Аԥсны Адәныҟатәи аусқәа рминистр Даур Ақаҩбеи  ООН Ахәыҷтәы фонд (ЮНИСЕФ) арегионалтә хаҭарнакра ахада Гассан Халили реиԥылара.
аиԥылара иалахәын Адәныҟатәи аусқәа рминистр ихаҭыԥуаҩ Иракли Ҭыжәба, жәларбжьаратәи аиҿкаарақәа рнырразы Адепартамент аиҳабы Артур Гагәылиа, ИуНИСЕФ аҟәатәи аофис ахада Уиллиам Хенлон.
аиԥылара аартуа Даур Ақаҩба иазгәеиҭеит аиҿкаара аусура атәы бзианы ишидыруа, ахәшьара ҳарак риҭеит аиҿкаара Аԥсны аҵакырадгьыл аҿы имҩаԥнаго апроектқәа.
ООН Ахәыҷтәы фонд (ЮНИСЕФ) арегионалтә хаҭарнакра ахада Гассан Халил аминистр изеиҭеиҳәеит аҵыхәтәантәи амзақәа ирылагӡаны аиҿкаара имҩаԥнагаз аусурақәа ртәы.
Аиԥылараан аганқәа алацәажәеит аиҿкаара Аԥсны имҩаԥнаго аусурақәа, ҷыдала  атехникатә ҵара аганахь ала. Ари апроект ИуНИСЕФ имҩаԥнагараны иҟоуп ООН Аҿиара Апрграмма
(UNDP) алархәны.
ООН Ахәыҷтәы фонд (ЮНИСЕФ)Аԥсны аусура иалагеит 2005 шықәса рзы.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: