Денис Монкадеи Инал Арӡынбеи реиԥылара мҩаԥысит

Денис Монкадеи Инал Арӡынбеи реиԥылара мҩаԥысит
18 May 2023 132

Лаҵара 18 азы Аԥсны адәныҟатәи аусқәа рминистрраҟны имҩаԥысит Аԥсни Никарагуеи рыдәныҟаполитикатә усбарҭақәа рхадацәа реиԥылара.

Аиԥылараҟны ирзааҭгылан аинтерес ззаадырԥшуа актуалтә зҵаарақәа.

Никарагуа адәныҟатәи аусқәа рминистр Денис Монкадеи Аԥсны адәныҟатәи аусқәа рминистр Инал Арӡынбеи рзааҭгылеит Иеиҳабыратәым аиҿкаарақәа русура. Никарагуа аус руеит 220 еиҿкаара, еицырдыруа ауаажәларратә усзуҩцәа, аҵарауаа, ашәҟәыҩҩцәа напхгара зырҭо. Арҭ аиҿкаарақәа рԥаразоужьра мҩаԥыргоит аҳәынҭқарраҩныҵҟатә ҭагылазаашьа аҵшәааразы ҳәа азгәеиҭеит Монкада.

«Ҿырԥштәыс иаазгоит 2018 шықәса мшаԥымзазы аҳәынҭқарреиҿкаара аиҭакраз иҟаз аҽазышәара. Уи хаҭала иалахәын зыӡбахә сҳәаз Иеиҳабыратәым аиҿкаарақәа» ҳәа иҳәеит Денис Монкада.

Никарагуа адәныҟатәи аусқәа рминистр Денис Монкада Аԥсны ахада Аслан Бжьаниеи Аԥсны адәныҟатәи аусқәа рминистр Инал Арӡынбеи Никарагуа ахада Даниел Ортега иҟынтә ааԥхьара риҭеит Ареспублика Никарагуа иаҭааразы.

Аиԥылара хыркәшо Монкадеи Арӡынбеи аҳамҭақәа еимырдеит.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: