Цәыббра 20, Цхинвал ақалақь аҿы имҩаԥысит Аԥсны Аҳәынҭқарра аделегациеи Аахыҵ Уаԥстәыла ахада Анатоли Бибиловы реиԥылара.
Аделегациа напхгара аиҭоит Аԥсны Адәныҟатәи аусқәа рминистр Даур Ақаҩба, аделегациа иалахәуп: Аԥсны Атәылахьчара аминистр актәи ихаҭыԥуаҩ, аинрал-полковник Беслан Ҵәыџь, Аахыҵ Уаԥстәыла иҟоу Аԥсны Аҳәынҭқарра ацҳаражәҳәаҩ Алан Елбакиев.
Аиԥылараан Аԥсны Адәныҟатәи аусқәа рминистр Даур Ақаҩба Аԥсны ахада Аслан Бжьаниа ихьӡала Анатоли Бибилови ауаԥс жәлари ирыдиныҳәалеит Ареспублика амш.
Цәыббра 19 азы Аԥсны Адәныҟатәи аусқәа рминистр Даур Ақаҩба зхадараҿы дыҟаз аԥснытәи аделегациа Аахыҵ Уаԥстәылаҟа инеиит, Аахыҵ Уаԥстәылатәи ареспублика ашьаҭаркра 31-шықәса ахыҵра иазку ауснагӡатәқәа ихы рыладырхәырц.
