Аԥсны Аҳәынҭқарра Адәныҟатәи
аусқәа рминистрра

Ministry of Foreign Affairs of the
Republic of Abkhazia

Аԥсны Адәныҟатәи аусқәа рминистрра аҳәамҭа

3 February 2017 782
Аԥьаша, жәабран 2 рзы Евроеидгылеи Қырҭтәылеи рыбжьара визала аиҭанеиааира аԥыхразы Европарламент иаднакылаз аӡбра ахҳәаа аҭо Қырҭтәыла Адәныҟатәи аусқәа рминистр М. Џьанелиӡе аҳәамҭа ҟаиҵеит визада аиҭанеиааира ишаҵанакуа аоккупациа зызуу аҵакырақәа руааԥсырагьы.

«Визада аиҭанеиааира иаҵанакуеит аоккупациа зызуу, атәыла анапхгара хылаԥшра зызрымҭо аҵакырақәа - Аԥсни Цхинвалтәи араиони руааԥсырагьы» - иҳәеит Қырҭтәыла Адәныҟатәи аусқәа рминистр М. Џьанелиӡе.

Абри инадҳәаланы Аԥсны Адәныҟатәи аусқәа рминистрра иазгәанаҭоит Европарламент иаднакылаз аӡбра иаҵанакуа Қырҭтәыла ауааԥсыра рымацара шракәу, уахь Аԥсны атәылауаа шаҵанамкуа.

Џьанелиӡе иҳәамҭа ҳара ҳахәаԥшуеит аҽазныкгьы Аԥсны атәылауаа Қырҭтәыла рполитика-зинтә ҵакыра ралагаларазы ҽазышәароуп ҳәа.

Идыру акоуп уи ԥеиԥшк аманы ишыҟам.

Хыхь иазгәаҭоу инадҳәаланы Аԥсны Адәныҟатәи аусқәа рминистрра аҳәамҭа ҟанаҵоит Қырҭтәыла аполитикатә монипулиациақәа Аԥсны атәылауаа ралагалара иашам ҳәа. Қырҭтәыла анапхгара Аԥсны атәылауаа рынеиааира гәҭыханы ирымазар, урҭ мап ацәыркыроуп ҳтәылауаа жәларбжьаратәи рҭахкаара аполитика.

Аҽазныкгьы европатәи аилазаарақәа рахь ааԥхьара ҟаҳҵоит Қырҭтәыла аполитика адгылара иаҟәыҵырц, иагьазхьаҳарԥшуеит Аԥсны Аҳәынҭқарра атәылауаа рҭахкаара аанкылара азҵаарақәа гәыгәҭармыжьларц.

Материалы по теме

 
 
 

Даур Ақаҩба Сергеи Лавров Урыстәыла Амш идиныҳәалеит.

13.06.2018

Ҭыжәба: Мраҭашәаратәи атәылақәа иҟоу аҭагылазаашьа рҽандыршәар акәхоит

01.06.2018

Аԥсны Аҳәынҭқарра ахьыԥшымра азханаҵеит Шьамтәылатәи Ареспублика

29.05.2018

Аԥсны Аҳәынҭқарра Адәныҟатәи аусқәа рминистрра аусзуҩцәа ашәҭшьыҵәрақәа шьҭарҵеит

22.05.2018

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: