Ажәабжь ҿыцқәа
21 January 2026 16
Аԥсны Аҳәынҭқарра Адәныҟатәи аусқәа рминистр Олег Барцыц идҵала Барзаниа Алиса Џьамал-иԥҳа Аԥсны Аҳәынҭқарра Адәныҟатәи аусқәа рминистрра апресс-маӡаныҟәгаҩыс дҟаҵоуп.
Ажьырныҳәа 20 рзы ПМР Адәныҟатәи аусқәа рминистрраҟны имҩаԥысит Приднестровиатәи Молдавиатәи Ареспублика Адәныҟатәи аусқәа рминистр Витали Игнатиеви ПМР иҟоу Аԥсны Аҳәынҭқарра азинмчы змоу ахаҭарнак Александр Ватамани русуратә еиԥылара.
2026 шықәса ажьырныҳәамза 15 рзы Боливариантәи Ареспублика Венесуела иҟоу аҷыдалкаатә зинмчы змоу Аԥсны ацҳаражәҳәаҩ Заур Ӷәаџьаа Венесуела адәныҟатәи аусқәа рминистрра ааԥхьарала Венесуела ахада инапынҵақәа назыгӡо Дельси Родригес Гомес иҟалҵоз есышықәсатәи анашьҭымҭа иазкыз аилатәара ҷыда ихы алаирхәит.
Аахыҵ Уаԥстәыла Адәныҟатәи аусқәа рминистр Ахсар Џьиоев Аԥсны Адәныҟатәи аусқәа рминистр Олег Барцыц иира Амш идиныҳәалеит.
Ажьырныҳәа 7 рзы имшира азгәеиҭоит Аԥсны Адәныҟатәи аусқәа рминистр Олег Барцыц.
Аԥсны Аҳәынҭқарра Адәныҟатәи аусқәа рминистрра аколлектив Адәныҟатәи аусқәа рминистр Олег Барцыц иира амш идырныҳәалеит.
Аԥсны Аҳәынҭқарра Адәныҟатәи аусқәа рминистр Олег Барцыц Аԥсны Аҳәынҭқарра Аԥыза-министр ихаҭыԥуаҩ, Аҩныҵҟатәи аусқәа рминистр Роберт Киут имш иира идиныҳәалеит.
Аԥсны Адәныҟатәи аусқәа рминистр Олег Барцыц аоператә шәаҳәаҩы, Аԥсны жәлар рартистка, Урыстәыла жәлар рартистка Хьыбла Гьерзмааԥҳа лымшира лыдиныҳәалеит.
Аԥсны Адәныҟатәи аусқәа рминистр Олег Барцыц Аԥсны иҟоу Урыстәылатәи Афедерациа аҷыдалкаатә зинмчы змоу ацҳаражәҳәаҩ Михаил Шургалин иира Амш идиныҳәалеит.
Аԥсны адәныҟатәи аусқәа рминистр Олег Барцыц Аахыҵ Уаԥстәыла иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Алан Елбакиев иира амш идиныҳәалеит.
Мамуки Мдинараӡе уаанӡа иҟаиҵаз аҳәамҭеи асоциалтә ҳа X аҿы Қырҭтәыла адәныҟатәи аусқәа рминистрра иҟанаҵаз адырраҭареи инарымаданы, иазгәаҭатәуп ҳәа иҳаԥхьаӡоит ақырҭуа политикатә спектр хазы игоу ахаҭарнакцәак, жәларбжьаратәи апроцессқәа рхатә политикатә зыԥшрақәа инарықәыршәаны рыҟаларазы рҽазышәарақәа, обиективла ишьақәгылаз арегионалтәи жәларбжьаратәи ареалиақәа шаадмырԥшуа.