Ажәабжь ҿыцқәа
2025 шықәса абҵара 14 рзы Аԥсны адәныҟатәи аусқәа рминистр Олег Барцыц, Италиа иҟоу, анапынҵа ҷыдақәа змоу ацҳаражәҳәаҩ Вито Гриттани Аԥсны Адәныҟатәи аусқәа Рминистрра амедал «Алшамҭақәа рзы» ианеишьеит 2016 шықәса раахыс имҩаԥиго иусура, Аԥсни егьырҭ атәылақәеи рыбжьара аиҩызаратә еизыҟазаашьақәа рырӷәӷәара, аҳәаанырцә, ҷыдала Италиатәи ареспубликаҿ ахьӡ ашьҭыхреи аларҵәареи рҿы илшамҭақәа рзы.
Абҵарамза 14 рзы Аԥсны Аҳәынҭқарра адәныҟатәи аусқәа Рминистрраҿы адәныҟатәи аусқәа рминистр Олег Барцыц диԥылеит Аԥсны Аҳәынҭқарра адәныҟатәи аусқәа Рминистрра анапынҵа ҷыдақәа змоу ацҳаражәҳәаҩ Вито Гриттани. Аиԥылара рхы аладырхәит Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа абжьгаҩ Кан Ҭаниеи Вито Гриттани иԥшәмаԥҳәыс Камелиа Дарина-Попи.
Жьҭаарамза 20 рзы Аԥсны Аҳәынҭқарра адәныҟатәи аусқәа Рминистрраҿы Адәныҟатәи аусқәа рминистр Олег Барцыц анапынҵа ҷыдақәа змоу Аԥсны Аҳәынҭқарра адәныҟатәи аусқәа Рминистрра ацҳаражәҳәаҩ Аизек Кумессин диԥылеит. Аиԥылара далахәын адәныҟатәи аусқәа рминистр ихаҭыԥуаҩ инапынҵақәа назыгӡо Иракли Ҭыжәба.
Аԥсны адәныҟатәи аусқәа рминистр Олег Барцыци Урыстәыла адәныҟатәи аусқәа Рминистрра Москватәи жәларбжьаратәи аизыҟазаашьақәа рзы Аҳәынҭқарратә Институт аҟны иҟоу жәларбжьаратәи аҭҵаарақәа Ринститут иԥхьагылоу анаукатә усзуҩ, аполитолог, ажурнал «Международная аналитика» аредактор хада Сергеи Маркедонови реиԥылара мҩаԥысит 2025 шықәса жьҭаарамза 3 рзы Аԥсны адәныҟатәи аусқәа Рминистрра аҟны.
Аԥсны Аҳәынҭқарра адәныҟатәи аусқәа рминистр Олег Барцыц Афедералтә ҵакыра «Сириус» Ахеилак ахантәаҩы, аҵарадырратә Фонд «Абаҩхатәреи аихьӡареи» анапхгаҩы Елена Шмелева лымшира лыдиныҳәалеит.
Аԥсны Аҳәынҭқарра адәныҟатәи аусқәа рминистр Олег Барцыци Аԥсны Аҳәынҭқарра Аконституциатә ӡбарҭа ахантәаҩы Диана Ԥлиеи, Урыстәылатәи Афедерациа аекономикатә ҿиара Аминистрра Адәныҟатәи ахәаахәҭразы Урыстәылазегьтәи академиа Жәларбжьаратәи азин акафедра апрофессор Анаит Смбатиани реиԥылара мҩаԥысит Аԥсны Аҳәынҭқарра Адәныҟатәи аусқәа Рминистрраҿы. Аиԥылара рхы аладырхәит Аԥсны адәныҟатәи аусқәа рминистрра аусзуҩцәагьы.
Москваҟа иусуратә неира аҳәаақәа ирҭагӡаны, Аԥсны Аҳәынҭқарра адәныҟатәи аусқәа рминистр Олег Барцыц Урыстәыла иҟоу Аԥсны Ацҳаражәҳәарҭаҿы аиԥылара мҩаԥигеит.
Ареспублика Никарагуа иҟоу Амилаҭрацәатә ҳәынҭқарра Боливиа Ацҳаражәҳәарҭа ааԥхьарала, Никарагуа иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Инар Ладариеи аминистрра-абжьгаҩ Алиас Аибеи Боливиа ахьыԥшымра ҩышә шықәса ахыҵра иазку аусмҩаԥгатә рхы аладырхәит. Аусмҩаԥгатә Ареспублика Никарагуа адәныҟатәи аусқәа Рминистрра азал Сандино аҿы имҩаԥысит.
2025 шықәса нанҳәа 6 азы, Никарагуатәи аган аԥшьгарала, Аԥсны Аҳәынҭқарра адәныҟатәи аусқәа рминистр Олег Барцыц, Ареспублика Никарагуа адәныҟатәи аусқәа рминистр Вальдрак Џьентскеи, Ареспублика Никарагуа аинвестициақәеи, ахәаахәҭреи, жәларбжьаратәи аусеицуреи рзы ахада иабжьгаҩ Лауреано Ортега Мурильои, Никарагуа абизнеси абанктә усхкқәа рхаҭарнакцәеи авидиоеимадара аформат ала дрыҿцәажәеит.