Аԥсны адәныҟатәи аусқәа Рминистрра амедал "Алшамҭақәа рзы".

Амедал ранаршьоит Аԥсны Аҳәынҭқарра атәылауааи аҳәаанырцәтәи атәылауааи адәныҟатәи аполитикеи адипломатиатә усуреи рҿы рџьабаа дуқәеи реихьӡарақәеи рзы: аҭынчра арӷәӷәареи жәларбжьаратәи аусеицура аҿиареи рус аҿы; Аԥсны Аҳәынҭқарра аинтересқәеи егьырҭ атәылақәа рҿы Аԥсны Аҳәынҭқарра атәылауаа рзинқәеи рхақәиҭрақәеи хра рыманы рыхьчара аусхк аҿы; Аԥсны Аҳәынҭқарра  адәныҟатәи аполитика анагӡара ахырхарҭаҿы; Аԥсны Аҳәынҭқарра жәларбжьаратәи азхаҵара арҭбаара аус аҿы; Аԥсны Аҳәынҭқарра адәныҟаполитикатә имидж арӷәӷәара ахырхарҭаҿы.

Амедал ахҳәаа

Амедал "Алшамҭақәа рзы" 32мм здиаметр ыҟоу агьежь аформа амоуп. Амедал аԥхьатәи аган аҿы Аԥсны Аҳәынҭқарра аҳәынҭқарратә герб алгәыгә-сахьа ҭыхуп, уи агәҭанытә ашәахәақәа цоит, астилизациа зызу адунеи ахсаала афон аҿы. Амедал ашьҭахьтәи аганаҿ амратә дырга ануп, уи аҵаҟа  адаԥарқьақьа зҿыкәыршоу аҩыра – “Алшамҭақәа рзы”.

Амедали хә-кәакьк змоу ачаԥареи еидҳәалоуп. Ачаԥара, аганқәа рҿы ахьтәыцәаҳәақәа зылдоу, ижәҩангәыԥшшәыла-еиқәароу бырфын  цахала ихҟьоуп. Ацаха аҭбаара 24 мм, ацәаҳәа аҭбаара 2 мм.

Аверс

Реверс