Ԥхынгәымза 9, 2026 шықәсазы Аԥсны Адәныҟатәи аусқәа рминистр Олег Барцыци Ростов-на-Дону иҟоу Аԥсны Аҳаҭыртә консул Адик Аршбеи русуратә еиԥылара мҩаԥысит.

Аԥсны Адәныҟатәи аусқәа рминистрра Шьамтәылатәи Арабтә Республика Адәныҟатәи аусқәеи аҳәаанырцә иҟоу аекспатриантцәа русқәеи рзы аминистрра адышшылара анота азынанашьҭит.

Ԥхынгәы 6 рзы Аԥсны Аҳәынҭқарра Адәныҟатәи аусқәа рминистр Олег Барцыц Аҟәа ақалақь шьаҭаркуижьҭеи 2510 шықәса аҵра аиубилеи иазку аныҳәатә усмҩаԥгатәқәа рылахәхаразы официалла атәылахь иааз Ареспублика Гана аделегациа идикылеит.

Ԥхынгәы 7 рзы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр Олег Барцыци Ҭырқәтәылантәи аԥсуа диаспора ахаҭарнак, Аднан Мендерес Иуниверситет (Ҭырқәтәыла) адоцент Ельчин Аӡынбеи реиԥылара.

Ԥхынгәымза 5 рзы, Ареспублика Никарагуа иҟоу Боливариантәи Ареспублика Венесуела Ацҳаражәҳәарҭа ааԥхьарала Аԥсны Аҳәынҭқарра ацҳаражәҳәаҩ Алиас Аибеи абжьгаҩ-ацҳаражәҳәаҩ Наур Хышбеи Боливариантәи Ареспублика Венесуела ахьыԥшымра Амш 215-шықәса ахыҵра азгәаҭара рхы аладырхәит.

Никарагуа Ареспубликаҿы Аԥсны Аҳәынҭқарра ацҳаражәҳәаҩ Алиас Аибеи абжьгаҩ-ацҳаражәҳәаҩ Наур Хышбеи Манагуа иҟоу Боливариантәи Ареспублика Венесуела Ацҳаражәҳәарҭа иаҭааит.

Ԥхынгәы 5 рзы Урыстәылатәи Афедерациаҟны иҟоу Аԥсны Аҳәынҭқарра Ацҳаражәҳәарҭа абжьгаҩ-цҳаражәҳәаҩ Кан Ҭаниеи Аԥсны АдәАР анапынҵа ҷыдақәа змоу ацҳаражәҳәаҩ Вито Гриттани италиатәи авеб-телеканал Altrementi TV ишиашоу ицо аефир рхы аладырхәит. Апрограмма амҩаԥгаҩыс дықәгылеит аканал ашьаҭаркҩы, италиатәи ажурналист Артур Феррара.

Аԥсны Адәныҟатәи аусқәа рминистр Олег Барцыц Приднестровиатәи Молдавиатәи Ареспублика Адәныҟатәи аусқәа рминистр Витали Игнатиев имшира идиныҳәалеит.

Аԥсны адәныҟатәи аусқәа рминистрра Боливариантәи Ареспублика Венесуела адәныҟатәи аусқәа Рминистррахь адныҳәаларатә нота нанашьҭит Боливариантәи Ареспублика Венесуела ахьыԥшымра Амш инамаданы.

Аиҿцәажәарақәа изаамҭанытәиу рраунд актәи амш аатит еиуеиԥшым атәылақәа рҿы ахҭысқәа раԥырҟәҟәаареи рықәҿыҭреи рзы Амеханизм (МПРИ) аусура аԥышәа иазку аинформациатә сессиа ала.

Аԥсны Аҳәынҭқарра аделегациа Кавказнҭыҵ ашәарҭадареи аҭышәынтәалареи рзы Жәларбжьаратәи аиҿцәажәарақәа 67-тәи араунд аҳәаақәа ирҭагӡаны аусура иацнаҵоит

Ԥхынгәы 1 азы Аԥсны Адәныҟатәи аусқәа рминистр инапынҵақәа назыгӡо, аминистр ихаҭыԥуаҩ Иракли Ҭыжәба Аԥсны иҟоу Урыстәылатәи Афедерациа аҷыдалкаатә зинмчы змоу ацҳаражәҳәаҩ Виачеслав Гладков иҟынтәи агәраргагатә шәҟәқәа рыхкьыԥхьаақәа идикылеит.

Аԥсны Адәныҟатәи аусқәа рминистр Олег Барцыц Ҭырқәтәылатәи Ареспубликаҿы Аԥсны Аҳәынҭқарра азинмчы змоу ахаҭарнак Ибраҳим Аҩӡба иира амш идиныҳәалеит.

Аԥсны Адәныҟатәи аусқәа рминистр Олег Барцыц Приднестровиатәи Молдавиатәи Ареспублика Адәныҟатәи аусқәа рминистр Витали Игнатиев адныҳәаларатә нота изишьҭит Приднестровиатәи Молдавиатәи Ареспублика Адәныҟатәи аусқәа рминистрра аԥҵара Амш инамаданы.

Рашәарамза 30, 2026 шықәса рзы Аԥсны Аҳәынҭқарра аделегациа Женева имҩаԥысуа Кавказнҭыҵ ашәарҭадареи аҭышәынтәалареи рзы Жәларбжьаратәи аиҿцәажәарақәа 67-тәи араунд аҳәаақәа ирҭагӡаны аконсультациақәа ирылагеит.

Аԥсны Аҳәынҭқарра аделегациа Женеваҟа инеит Кавказнҭыҵ ашәарҭадареи аҭышәынтәалареи рзы Жәларбжьаратәи аиҿцәажәарақәа 67-тәи араунд (МӠ) алахәхаразы.

Рашәарамза 30-ԥхынгәымза 1, 2026 шықәса рзы Аԥсны аҳәынҭқарра аделегациа Кавказнҭыҵ ашәарҭадареи аҭышәынтәалареи рзы Жәларбжьаратәи аиҿцәажәарақәа 67-тәи араунд (МД3) иалахәхоит.

Рашәара 25 рзы Берлин имҩаԥысит еицырдыруа аполитолог, аҭоурыхҭҵааҩ Александр Рар инапхгарала Евразиатәи ауаажәларра аԥхынтәи руснагӡатә, уи аҳәаақәа ирҭагӡаны имҩаԥысит жәларбжьаратәи амшхәаԥштә актуалтә зҵаарақәа ирызку аимак-аиҿак.

Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела Адәныҟатәи аусқәа рминистр Иван Хиль Пинто дидышшылеит Венесуела иҟалаз адгьылҵысра инадҳәаланы.

Боливариантәи Ареспублика Венесуела иҟалаз адгьылҵысра инамаданы адырра ҟаҳҵоит Аԥсны Аҳәынҭқарра Ацҳаражәҳәарҭа аусзуҩцәа рыбжьара ааха зауз ҳәа аӡәгьы дшыҟам.