Мшаԥымза 18-19 рзы имҩаԥысит Урыстәылатәи Афедерациа Адәныҟатәи аусқәа рминистр Сергеи Лавров Аԥсны Аҳәынҭқаррахь иусутә визит.

Аусутә визит аҳәаақәа ирҭагӡаны Урыстәылатәи Афедерациа Адәныҟатәи аусқәа рминистр ихы алаирхәит Аԥсны Урыстәылатәи Афедерациа Ацҳаражәҳәарҭа ахыбрақәа ркомплекс ҿыц аартра ацеремониа.

Иара убасгьы имҩаԥысит Урыстәыла Адәныҟатәи аусқәа рминистр Сергеи Лаврови Аԥсны Ахада Рауль Ҳаџьымбеи Аԥсны Адәныҟатәи аусқәа рминистр Даур Ақаҩбеи реиԥылара.